澳洲11天之第2天07年11月25日PART-2

天清氣爽~ 最適合去旅行啦~ 出左站口~ 人山人海~ 好多人排隊搭船遊覽

行返去昨晚  PANCAKES ON THE ROCK 上面就係 THE ROCKS MARKET 首先搵下洗手間先~~ 澳洲旅遊區基本上都有洗手間~ 都好乾淨~ 洗手個D水超冰涼!

好冰涼解渴檸檬雜飲 AU$3

到D精品係幾特別~ 不過我唔岩用... 行下看看就算了~ K小姐就買左D野~

我都係比較喜歡食~ 刨冰都唔放過! AU$4.5

我揀左橙味~ 味道就係橙汁雪條咁味啦~ 食埋個冰好飽啦~

HARBOUR BRIDGE  下面!

行完個MARKET 我地就行返出大路行去 橋塔門 到啦~ 當然要同歌劇院合照一下啦

沿路都有D長木椅比人坐~ 休息時候見到D人去爬橋...真大膽~ 唔駛錢比我爬我都唔敢呢...

最後行到去個塔門下門唔知點解封住...書明明話可以上去咖... 無得上唯有走啦...

THE ROCKS

 

  行返出去打算行去歌劇院時~ 有人表演~ 仲要係好多人睇~ 即管睇下啦~ 個小姐好風趣~

攪到D遊客好開心~ 輕而易舉就縮左入個透明箱到~ 我都比左小小地 AU$2

表演睇完就行埋去歌劇院啦~ 今日唔知有咩 FUNCTION ! 超多人!

景點去完啦~ 商場又收晒...好似無咩地方去...咁我地就去左唐人街啦~ 我地都以為唐人街會有好多野下行...原來係無野行...都係D好大路既手信舖...買既野唔係太吸引...

仲有我來呢到係想搵鮑魚...但實在唔見羅...短短一條街就係食店...

我地對中餐無咩興趣~ 行下行下去左個商場 FOOD COURT 到~

呢到有兩檔韓國野食呀~ 仲要都唔算好貴! 無野做無野行~ 又係食啦~ 哈哈!

叫左個 牛展拌泠麵 AU$7.3~ 味道同向韓國食一樣~ 但個麵好難咬斷!

叫多個好想食既炒年糕 AU$8!! 上次向香港食左個成$90蚊一D都唔似韓國味既炒年糕已經好失望! 呢到個炒年糕同韓國街邊一樣味呀~ 又甜又辣! 正呀!! 去唔到韓國食~ 向呢到食返啦!

 

 

K小姐叫左個牛肋骨應該都係 AU$7.3 D 牛肉好入味~ 好味道! 其實澳洲都幾多韓國人~ 

去到邊都見到有韓國野食~ 呢到連收銀都係韓國人煮果個當然都係啦!

食飽飽天都未黑晒~ 八點幾我地就返 HOSTEL~ 本來打算返去休息下夜 D 去STAR CITY 賭場行下~ 兩個大懶人返到去就唔願出去 LU! 返去執好野好早就訓啦~ 聽日要飛去 CAIRNS 呀!