第九天-上-08年4月15日關西中國四國九州

昨晚七千幾YEN 一晚酒店既禮物~ 哈

今日六點起身啦~ 8點零幾分車~ 整好晒野就要去前晚酒店羅返個o急啦~

酒店有免費早餐不過真係無咩野食~ 羅左幾包紫菜同一個包就走啦! 

行一陣就去到舊酒店執好d野落o急就早d去車站啦!

7.50都仲未可以入閘~ 見有時間就去畫位~唔駛迫自由席啦~ 仲有時間打印仔~

給完印仔見到識發熱既飛驒牛便當! 當然要買返個食啦! 1100yen!

車都未開我就急不及待扯條線啦! 之後你會聽到個便當好似煲緊水咁~ 好得意!

我都唔記得要等幾耐啦~ 食個時就真係好熱啦! 日本人真係好勁!! 

味道方面又係d牛肉甜甜地~ 有冬菇有牛旁~ d牛肉比較碎~ 算有好多!

盒飯望落好大盒但其實都唔算好多! 因為有半盒係發熱個d物體~ 

食完食埋高知d蕃茄仔~ 超甜呀! 粒粒都好好食!

食飽飽係打算影下風景相~ 今日天氣都好好~ 影左兩張之後睡魔急call訓到落車...

兩個幾鐘車就到名古屋啦~ 差不多有車到新大阪 very good!

到左新大阪去今晚酒店放好d行李先!

12點幾終於安頓好出發去觀光啦~ 新幹線好方便~ 買支可樂飲下120yen!

到達今天第一個目的地啦~ 姬路! 向車站羅地圖時見可以借單車~ 打算借啦~ 個職員問我去邊...

我話姬路城~ 佢就叫我行去...單車唔入得姬路城wor...咁好啦...行啦!

姬路城又唔算好遠既...不過我當然想唔駛行啦~　見到有觀光巴士...

但佢好似有排都未開...唉...唔可以懶啦...行吧啦!

每個地方都有既商店街~不過無行～　只係路過！

成十萬YEN的和服...

沿路行一路都有D雕像~

可能我行得太慢...行左20分鐘先去到姬路城~ 

個櫻花好靚呀~ V字形~ 今日天氣好到好晒...不過都好過落雨既!

姬唔城都幾大~ 我覺得佢靚過名古屋城~

姬路城你可唔可以唔好向咁遠呀!!!

加埋D櫻花~真好呢到仲有不少櫻花~

動物園向北海道去過所以無去

我行左小人個邊去上姬路城,,,一路都唔見要買飛...

我係無打算入姬路城入面...但唔見要買飛以為上到天守閣先買飛咁就行上去啦!

要行好多好多路先可以上到去羅...唔知經過左幾多個門啦!

終於行到啦~ 仲係見唔到買飛位...咁我都無打算入去~ 唔想比錢! 坐下休息下就走啦!

沿住指示走又會行左另一邊路~ 仲有D盛開中既櫻花!

水井來咖~ 如果以前趺左落去都唔知點算...

差不多到都出口啦!

去到出口我終於發現售票處係向出口隔離...但先頭我行另一面...行下行下無為意就入左去...

無買飛...係要800YEN咖...我無心咖~ 我無入到姬路城咖...哈!

覺得好靚~ 不過都唔平~ 無買啦~ 慳左800YEN咁就買左個手信比自己啦!

又要行好長既路先走到啦!

見到有雪糕機!! GOOD 呀! 130YEN 買左支桃味!

回程都係要行二十分鐘咖...一早死都要借單車啦!!!

 無向姬路城給印...向車站給印~ 補返啦!