第八天-下- 08年4月14日關西中國四國九州

我都唔知唔見左幾多張相啦!

返到去問清楚D警察到底可唔可以踩單車...佢話無問題咁就去搵左間收得比較夜既單車店租單車~ 呢間比較貴 200YEN一小時...不過見佢收七點...就是但啦...

入到去寫個名就可以推架單車走...真係簡單...

剛剛踩真係有D驚完全唔敢向馬路側邊踩...都好多年無踩過啦...只係向行人路慢慢踩下先...

踩下踩下去左先頭好多野食既街食左個不知名大牛肉串 500YEN! 佢無寫係邊個地方牛肉~ 

但應該唔係飛驛牛~ 不過都幾好食~ 超大串! 唔鞋~ 好淋有肉味!

到現時為止都無一個時刻係唔飽咖...咁努力踩下單車啦!

唔駛我行周圍踩來踩去幾爽呀...周圍搵下景點! 一陣間就到!

[古い町並] D屋應該有番咁上下年紀~ 古色古香

經過神馬台 和 某屋台準備出車啦!

另一 [古い町並] 超多人~ 我泊好架單車先行入去!

又行到另一屋台~ 唔駛專登搵~ 一定會見到

向日本第一次踩既單車呀!~

行左大部份觀光點打算去搵地圖上的足湯...個面係火車站後面比較少人...

搵左半小時都搵唔到咁就放棄左啦! 

踩下踩下又經過野食街...又食...係一個粟米燒餅串~ 

佢張日式燒餅整成一串再加上燒餅汁同沙律醬~ 都流咖不過我鐘意食! 200YEN!

返到最多人既商店街剛剛有巡遊~ 每個人都著晒禮服真係唔話得!

由於周圍都好多人左穿右插去到中橋...點知D祭車仲未泊晒向橋上...

又係踩到野食街啦~ 哈哈! 今次食埋米沢牛! 又係 500YEN 超大串!

不過呢位叔叔可能比較心急! 好猛火! 全日最鞋就係呢串牛啦! 好似食緊外國牛扒咁! 

要咬好多下先得~ 咬到個口都有D支力! 但牛味就真係好勁!

食完真係無野做...踩單車都踩到 PAT PAT痛...經過丸明,,,向門口睇下佢有咩食...

無錯又係食...5點都未夠係打算當晚飯食! 但大家都見到我今日食左唔少野啦...

所以只係叫左向門口見到個特價 STEAK 1980YEN 我問左係唔係燒先叫!

一來到我簡直呆一呆...完全無諗過佢係切粒...仲要得五粒...佢都切得幾大粒下!

我係打算食完呢五粒牛肉先決定再叫唔叫野食啦! 我好豪一燒燒兩粒..成三十蚊粒咖~ 哈哈! 由於佢幾厚先頭燒得唔係太熟...咬左一啖係咬唔到...太生...好彩得我一個人...再燒!! 今次燒熟D食... 嘩~ VERY GOOD 呀! 一咬落去出晒油~ 好淋好好食! 今朝D牛肉都好好食但佢地比較瘦無油...今次多埋D油~ 真係好好食~ 落少少鹽一齊燒已經好好食! 好快就食晒五粒啦~ 

不過都好夠啦...真係幾流~ 埋單就係1980YEN!

丸明同酒店好近~ 就去羅埋房上房休息下~ 去下洗手間~ 

今晚間房成 7560YEN 真係十分之貴!!! 一個人旅行既小壞處!

睇左一陣電視見時間差不多夜祭~ 就早D去搵位企啦! 去商店街還返單車~ 

不知不覺踩左5個鐘!要1000 YEN 呀!

呢個公仔要 十萬YEN!!!

OH 夜晚開始凍啦...但我最厚件衫係向O急無羅出來...OH NO!!

經過左N好多次既招財貓!

行到呢到我就打算唔行啦~ 因見企到路邊無人遮住~

 D祭車應該要轉彎~ 點都會停一停呀...就企向到等等等啦~

個天越黑D人越多啦~ 我就努力試好相機一陣影相啦!

等左半小時佢地終於出現啦! 

雖然有D相係ERROR左但好彩都 KEEP 到全部12架祭車!  

不枉我企左個半鐘! 我對D識發光既東西比比較感興趣~ 

祭車每架上面都有不少燈籠~ 靠佢地就可以將華麗的祭車照射出來! 真係厲害!

睇相可能架架差不多~ 但現場佢地向我面前經過我真係有D震撼咖...

上面都坐左唔少人...見佢地又推得有D吃力~ 真係覺得有D危危呼...

祭車經過時侯你會覺得佢成架係向到震緊~ 好似就散就散~ 

不過保存左四百幾年都仲可以推出來~ 真係抵咁多人來睇!

企完呢個半小時簡直係凍死左我...沿住人潮行入D有暖氣既商店!

買左最後買左D手信~ 咁夜有特價~ 哈哈

即時燒的丸子 70YEN~ 食下野可能會暖D!

最後一次行到去食街同今朝完全唔同環境...D人多到係行唔到...

好厲害!! 一次可以整咁多個!! 幾好生意! 今朝係無人買咖...

最後我都揀左今朝都好想食既廣島燒餅 500YEN

當然比起前幾天向廣島食燒餅係完全兩回事~ 但當我十分十分之凍既時侯有個熱辣辣既燒餅~ 

我就覺得佢十分十分之好食啦!

一路食一路行返酒店時又撞到 BLOG友 ah 一家人~ 大家都係住同一間酒店~ 

道別後我就自己返房啦~ 浸下浴缸~ 睇下電視~ 早D訓~ 聽日早車呀~

戰利品相都 error 埋..真係%(&*^@)# 不過都係野食來~ 哈哈!