第十一天08年4月17日關西中國四國九州

朝早六點起身就聽到雨聲啦! OH NO! 執好沖亮物品就到樓下食早餐先啦!

我個名寫錯啦!府妍...人地叫蕙妍呢!!

  

野食不夠漂亮~比較普通的食品~

食多dd啦~

食飽飽就去沖亮~ 昨天去左忘歸洞~  今日去玄武洞! 

呢個洞十分之遠行左好耐下先到~
又要上又要落... 不過入到去一個人都無~ 即刻影返張相先~
有打算行去洞口影張相...但無理由光脫脫羅住相機行入溫泉影... 都係算吧啦!
放好相機就慢慢浸我既溫泉啦~   我都有行去洞口睇下~
出面係會見到有海中既大石~ 同埋個到d水係凍咖...  所以都係返去大池浸!

路經~!  給埋印仔先!
左穿右插去了另一面~

落住雨都幾凍咖

由於好似好細就無入去浸啦~  打算上到最高既溫泉先浸!

要搭兩三條勁長電梯先上到去咖!

到頂啦!  天色好差啦!!

一大片霧呀~~~~~白濛濛!

到啦! 天女之湯~
由於入面有兩位台灣太太我不方便影相啦!
佢地可能見我唔似日本人不停係咁同我講野...  佢地沖完啦!
除晒衫到我浸啦!   byebye!  呢到沖亮有好多野揀!  樓下係無咖!
備長炭洗髮水~ 護髮素~潔面乳~ 馬油沖亮液~洗髮水~護髮素~
仲有面部去角質!! verygood! 自己向都都唔知沖左幾耐

給埋最後一印! 落返去行返房啦!

返房羅好野就 checkout 啦~ 一晚加早餐 6375YEN 溫泉來講係好平啦!

換埋記念品先~ 其實三個印就ok咖啦! 不過我鐘意給晒全部~ 哈
BYEBYE! 有機會來先來過啦!
雨係落不停!!!

今日龜龜船出動啦!

落雨關係攪到我都唔記得去下個漁市場睇下D大魚就去左搭車啦!

時間過得幾快~咁就10.49有車啦!

12.22到達!去白濱都要個幾鍾呀!白浜點解有隻熊貓呢??



一出站見到有巴士啦~但要買左個兩日乘車卷先1250YEN!

買完即刻衝上車~好彩趕得切~

正確應該去民宿放低個背郎先...我應該係湯崎站落但見新湯崎好似近d就無落...

點知一過湯崎站巴士就上左橋完全唔知點行去民宿...所以同司機講唔落...
跟住以為下個站係千疊敷...點知下個站先係...

唔好意思又唔落車所以落早左一個站向南千疊敷口...

一落車超大雨! 最好彩係有間便利店可以比我買把傘...

由於太大雨關係我放棄左去千疊敷等巴士去左三段壁!

落到車仲要行一段路先去到三段壁

又要擔傘又要影相真係有d煩...d雨仲要好大下...好大浪的三段壁!

白濛濛的海和天...

一場來到當然要入埋三段壁洞窟睇下~ 不過收費都唔平扣左 COUPON 1100YEN!

要收費因為入面安裝了高速電梯~有專人帶你去搭! 一陣間就去到地下三十六米!

一出電梯行幾步就去到好近海面洞口!

大家覺得似嗎? 我覺得好似得人面岩有D似...其他都唔係好似!

 

  守護神弁天様的神壇~ 佢係日本水神保護出海的漁民!

望落去D石比浪打到好滑!

入面濕氣非常重啦! 周圍都濕淋淋咁!

行到另一面都有好多獻燈

行到差不多最後啦~ 超大浪! 全濕咖! 千萬唔好行咁出影相...

一個唔好彩超大浪打埋來相機都無埋...

一路望住D浪一路就覺得好驚...向到諗人向呢D浪入面應該都死得...

 

參觀完之後出返來~ D雨暫時細左好多啦!

行到車站等一會就到啦! 見都係1點8到就去左民宿放低野先啦!

好快就去到湯崎站啦~ 行左上去民宿附近都搵唔到~ 問下人先搵到...

去到民宿等左一陣先有人呀! 男主人帶左我上房成棟野都好靜羅好似得我一個住客咁! 入到房好大下仲有兩張二人梳化...成間房都好乾淨~ 四千YEN 真係好抵WOR!

向背郎羅D野出來時發現好多野都濕晒羅!! D給印仔紙濕晒...好彩衫呀其他野我用膠袋入住...放晒D野出來吹乾! 執埋條大毛巾入背郎就又出發啦!

跟住想去 とれとれ南紀白浜市場 但唔係架架車都到就去左白良濱沙灘先

落車望下巴士時間表仲有8分鐘就有車去 とれとれ市場南紀白浜

咁就係遠遠影左幾張相就走啦! 因為好耐先有車去海鮮市場!

今日天氣唔係好啦! 不過都見到D水清清地淺藍色...

但沙灘D沙比車壓緊就真係好唔靚啦...一條條車痕...

到左 とれとれ南紀白浜市場 時侯不早啦~ 3點幾啦~ 其實都好肚餓下!

我無寫低佢收幾點所以都好擔心無野食! 好彩佢係收18.30!

食魚生來呢到一定勁正...d刺身真係平到呢...我自己只係食左個帶子刺身

佢寫係北海道~ 超大粒! 勁好食~ 又平 580YEN 六大粒!!

我都好想食海膽既但 1500YEN 我又覺得好似好貴...空口食又好似好流...

由於其他唔係好岩我食...買左少少野就走啦!

等巴士見到有燒魚餅~ 仲有檸檬芝士味! GOOD 呀! 食呀! 160YEN 一條!

買一條都即時整比你呀! 五分鐘到啦! 好大舊料咖! 新鮮熱辣脆扑扑! 正!

食兩啖有巴士啦~ 好快就去到 円月島 一到就睇下幾點有巴士走...

點知係要一個鐘後先有最後班巴士...天呀...呢到除左個 円月島就真係無野睇啦!

巴士站來回行去 円月島 加影埋相都唔駛十分鐘...

由於仲有成個鐘先有 last 個班 bus...對面有間餐廳入去捱下時間啦!

入面主打係龍蝦~ 但剛剛食完野唔係太餓...揀來揀去揀左個漢堡扒!

好大塊~ 仲有沙律伴碟! 味道我覺得好好食啦! 1100YEN!

食飽飽向到睇下呢幾日既相向到等巴士啦!   

巴士直到民宿個站湯崎站~ 好彩都趕得切! 17.30去到仲有半小時先收工!

向門口有自動售票機 300YEN一位!

千多年歷史的公眾露天溫泉設施簡簡單單!

入到去有D嚇親~ 得我一人~諗都無諗過~ 難得無人先影張相先!

入面好簡單~  沒有任何沖身設施~  只有天然岩石砌出來的浴池~

竹簾後是LOCKER來~ 除衫和換衫的地方~  這個木池水是最熱的啦~
用木桶沖一沖身就立即浸溫泉~ ! 當日落大雨天氣都凍咖~

浸暖左身時就即刻跑出去中間池到...但可能太大雨啦~  D水係輕微的暖~

涼涼地...  當然無浸啦! 之後去埋最前既池可能D海水會衝入去係凍咖!!
最後即刻都係跑返上木池到~  D水夠晒熱真係~  気持ちいい KMOCHIII [舒服]
一路浸一路落雨~ 仲越落越大~ 最後係擔住傘浸溫泉~ 真係無咩人可以試到!!
一路浸覺得個身係滑滑地~ 唔係個個溫泉都係咁~ 總之就係正啦!!

浸浸下唔知浸左幾耐聽到有人聲啦! 嘩! 成大班韓國女人入左來...一定有十個!

咁 我當然無理佢地繼續浸啦~ 等佢地除晒衫都要D時間~ 睇得韓劇多都知佢地講咩既...有幾個呀朱媽第一時間去左中間池到~ 聽到佢講凍呀~ 不過都見佢地浸左落去...過多陣有個女人大叫同隔離男池既人講野我就頂唔住啦...超大聲立體韓語向我耳仔進入~ 我決定撤退!
因為不停聽到韓劇對話我怕我忍唔住笑都係走啦!

原來我都浸左15分鐘~ 咩都夠啦~ D水真係好熱下!

不過可惜開太遲啦...唔係明天早上浸多次!

同白良濱其實都好近下~ 浸完慢慢行返酒店啦!

由於太懶加上落大雨關係! 六點幾返到民宿就一直無出過去啦!

成晚既節目就係睇電視! 加上我真係好飽! 飯都唔駛食就可以訓啦!
落雨真係無晒興緻! 先頭打算夜晚去白良濱沙灘行下都好咖...

今天唯一的手信! 梅o者哩! 好好食咖! 750YEN 五個!