第十天-下- 08年4月16日關西中國四國九州

龜速上返大路見仲有個多鐘先係尾班車~ 咁就打算行埋上那智山三重塔到!

經過手信舖問人大概要行幾耐~ 話三十分鐘到~好啦行啦!
行左一陣見到幾位嬸嬸行返落來...有個好好心係咁比支竹我叫我用來督住行...
話上面好難行...咁我當然係咁多謝啦~
行上去真係超辛苦羅...d石級十分之大級...好彩多左支竹督住行...
唔係我都怕我行唔到上去...另外一題我都仲係著拖鞋! 哈

行到中間有段平路...行一陣又要行石級...一路行一路自己講野羅...
到未呀!! 熱晒我啦!! 真係人都顛...

行左三個字終於上到去啦! 去到個塔下面啦!

上到來我覺得我係十個熱羅! 仲要咩住d野! 同行上凱旋門一樣咁辛苦!

其實我行上來唔係為個塔啦...成日都見到呢d塔...係為左呢張相羅!

 但我覺得我完全比佢呃左我羅! 雖然角度同高度唔同...
但我真係唔信行高d 會影到好似呢張相咁羅!! 條那智瀧會唔會細左d呀!

經過先頭咁辛苦我已經唔想再行上去d廟到啦!!! 所以證實唔到張相有無呃我!

上山辛苦到唔想影相! 落山都係好少少..d 石級高到怕趺死無人知..

 多得呢支竹! 上山前有得買 好似 200定300YEN

17.20返到馬路D手信舖已經收晒! 好彩都有D銀仔買野飲! 120YEN

仲有廿分鐘先有車坐下休息下!

 睇返個地圖要向三重塔去那智大社都仲有一大段路!

回程啦~ 好快去到 JR 那智

成架車係得我一個! 

返到勝浦啦! 搵路行去漁港去酒店啦!

比起四國佢地真係十分十分之平! 但我都無可能買啦...

六點幾啦~ 天黑啦~ 呢到又有個足湯!

見到有好多船啦! 到左漁港啦!

仲要行多段路先到! 到啦~ 免費接駁船碼頭!

等一陣啦~ 就有船啦!

今晚間溫泉酒店係 浦島酒店 超大間~ 山上都係!

中之島酒店單人同雙人都係咁貴!

酒店都登陸世界遺產~ 勁呀!

D線真係好有用咖!!  你一定要靠佢先搵到路!

酒店唔係好新但OK啦! 平呀~ 來呢到都係為左佢既溫泉!

 

放低晒D野~去個洗手間就落去BUFFET到睇下啦!
因我只包早餐~ 晚餐要自己睇下食咩~ 唔岩食就出去食啦~
入BUFFET 到行左個圈~ 唔算好吸引所以無食啦~ 三千幾YEN咖!

 大堂有好多手信買 GOOD AR 一陣返來慢慢行!

等船出去!

4月16日到此一遊!

咁都有個神社!
晚餐食咩好! 一早打算好係食壽司! 睇好晒地圖位置...點知三間都收左!!!
鐵板燒昨晚先食完...佢又無食幾錢~ 最後揀間有開見又有人既食店啦!
最安全都係叫 SET 不過我唔食魚生~ 見人地D魚生飯好正!

最後揀左最安全既天婦羅定食! 野就好食! 但佢真係家庭式經營...
個飯我係等左半個鐘! 無錯真係半個鍾! 因為連埋我佢有四檯人...
但師傅係一個羅...個餐牌我都唔知睇左幾多次啦!!!

我其實成日覺得天婦羅唔可以用來餸飯~ 好在有天婦羅隔離甜甜地既魚乾~
我都係靠佢用來用來餸飯! 正!

最後叫多個燒茄子...但完全唔覺係燒過
茄子係好食但食完同無食真係無分別...十分之的式.. 今餐食左1680YEN
食完呢餐返到酒店都八點幾九點啦! 去手信舖係樣樣都試食下~ 真係好!

返房羅齊沖亮物品就去搵溫泉浸啦~ 呢到大大小小溫泉加埋有十幾個... 

 今晚去左最出名既忘歸洞 浸下先! 忘歸洞顧名思義就係溫泉向個洞入面啦!

不過夜晚太多人啦~ 只可影下出面比你地睇!
一路浸溫泉一路聽到海浪聲咖! 最開個溫泉出面就係海~
不過咁夜咩都睇唔到啦! 浴池夠晒大池水係白白地有輕微硫磺味~

浸完忘歸洞仲去浸左個室內溫泉~ 順手給埋印~
返到房都十點幾早D訓聽日早D浸過!!

梅味蝦餅~ 好好食~ 試食左好多先買~ 哈! 630 YEN