第十六天-上08年4月22關西中國四國九州

完本plan行程時好想向鹿兒島住一晚溫泉酒店~
但住溫泉住住第二日好遲先走得
所以昨晚都係返去博多方便搭車周圍走!

今朝一早向酒店超趕時間食左d早餐就沖去車站啦! 8點鐘車~ 趕呀~

今日就去鹿兒島完全唔同方位既長崎啦! 8點準時開車!

火車外形同子彈火車都好似呀~ 不過車頭好似無咁長身! 入面d座位好似大班椅!

有個海鷗牌標誌咁!

經過兩小時車程就去到長崎啦!

一落車就見到有架木船向到!

第一件事就係羅地圖~ 買一日電車pass~ 同給記念印! 全部都向JR做好先出發呀!

又一天氣晴朗既日子! JR長崎出發搭電車一定要行上天橋~

一日乘車卷500YEN可搭一日! D地圖好清楚!

第一站就去左原爆遺址啦~ 因為得一個地點特別係反方向....
除左廣島~ 長崎都被原子彈炸過~
D圖都睇左D既...不過D傷感野唔好睇太多啦!

記念碑~  記念柱~ 一定有!

原爆中心地~ 過左咁多年變左環境優美既公園!

一路行都有好多記念雕像~

周圍都有唔同既記念像~

見到個碑先係平和公園~ 仲要行上去! 樓梯中間仲有十分之多既花!

仲有D十分之大既蜜蜂...好驚呀!

行上去就見到噴水池~ 正中間就係平和像!

公園周圍都有十分之多外國雕像

基本上每本旅遊書都會見到平和像~ 平和之泉

環境幾優美~ 完全想像唔到以前核爆時既面貌!

核爆後淨返呢幾條石坑就留到今時今日!

有一個平和鐘~  

四月尾向呢到仲見到有櫻花~ 好大朵好多花瓣!
當日天氣太好啦...行完平和公園實在太熱啦~ 返到車站搵LOCKER放個背郎!

由於無散銀去買左包午後紅荼110YEN~ LOCKER300YEN

之後又搭叮叮去到差不多總站!! 呢到叫祟福寺不過我無入去呀...
由於我對孔子廟其他中國野興趣不大就全部略過無去啦!

D街燈好靚喎~ 有條龍跟住~   

電車總站對出~ 係我向日本見過最平民既地方

之後就去左日本三大橘之一眼鏡橋~ 加埋倒影係唔係好似眼鏡呢?
不過比想像中細~ 佢都有好多年曆史咖啦!

附近有個屋仔比人拜下

CLOSE UP 就見唔到眼鏡啦!

好大個眼鏡橋~ 仲有個人像~

沿路仲有其他橋~

之後去下一個目的地啦~ 去新地中華街~

向車站大概行幾分鐘啦!見到紅o當o當就一定到啦!

我成日覺得中華街應該係賺日本人既錢多過中國人

中華餐廳來~      

時間已經係中午啦~ 要食野啦~ 本來想試下食好出名既中華街粉絲

最後都係睇唔岩~ 向街邊買左向神戶無食既豚角煮180YEN

味道甜甜地~  好熱都OK好食~ 不過D豬肉唔係好肥~

先後行過見到書介紹見岩崎本舖~ 又食多個豚角煮!

比先頭街買既貴好多呀~ 336YEN 十分之熱! 不過真係比街個好食好多呀!

個包好軟身帶甜~ 入面D豬肉好甜好[流] 好肥味~ 真係好好食咖~

日本次次見D電單都唔同色~ 同好新!
食完兩個包都飽晒啦~ 行中華街既目的完成!
之後又到下一景點啦! 應該係石橋站

落車行一陣就會見到有個電梯~佢唔係扶手電梯..係一部打斜升降電梯

真係打斜行上去!

呢部斜路電梯真係一個十分之偉大既發明~ 一到就去到好高咖啦~ 完全唔駛行咖!
一眼就望晒長崎市街境

見到長崎港咖!

個電梯又方便遊客又方便居民真係十分好啦!

見到隻貓嗎?佢完全唔啋我羅...點叫都唔啋!!

跟住地圖慢慢行就可以去到大浦天主堂

好偉大既斜路電梯! 長崎D屋都好密下!

好似係GLOVER GARDEN

遠望長崎港~ 向上面慢慢行~ 仲係向下行~ 太舒服了!