沿路向下行就好易搵到國寶~ 大浦天主堂~ 入去要收錢~ 所以都係行過影張相
教堂行落去就係一條手信街~ 兩邊D商店都幾靚~ 一直向前行就可以啦!
呢間舖頭真得意~ 蜂蜜蛋糕神社!
長崎出產枇杷~ 好多間都有枇杷雪糕買~
枇杷雪糕 250YEN~ 一路一食一路覺得隻味好熟~ 原來係好似哈蜜瓜味!
間CAFE都幾靚~
舊香港上海銀行長崎支店記念館
呢間中華餐廳好大間~
呢間酒店好似向法國見到既樓~
長崎好多野都好歐洲 FEEL 呀~ 招牌都不例外!
呢間忘記了係咩啦! 好似係同英國有關!
去搵埋好出名既荷蘭坂
由於要上斜...我地D懶人當然行一陣就算啦! 嘿
基本上都唔駛點睇地圖既~ 去搵最近電車站時經過長崎港!
之後就搭電車去左一個叫出島既地方! 要收入場費...500YEN
出島我諗過係島來咖~ 去到先知要收場費~ 入左去我都幾後悔...
原來係睇下以前D有錢人住同做生意既地方!
入面都有D人行下既...不過真係唔多...
佢實物都係好似扇咁~ 當然我無可能影到啦!
最鐘意就係呢間~ 保養得好好呀!
船上既杆...只係杆咋...十分之高! 我諗架船都十分之大呀!
呢棟應該係日本人住既
仲有個好高既鐘~ 不過背晒光~ 只有黑麻麻
外國人住既屋~ 可以去參觀...但入面唔比影相!
每一棟都保存得好好~ 不過真係可睇可唔睇!
好似D咩城咩城咁有圍場牆咖!
返到香港睇下出島有咩特別~ 原來最初做生意既荷蘭人向三百幾年前
住向呢個人工島上~ 19世紀先開放其他外國人向出島到做貿易!
行完出島時間都唔早啦~ 搭電車去文明堂總店想試下好出名既蜂蜜蛋糕!
其實周圍都有得買...但想試左會唔會好甜先買...出面代理唔見有得試
咪去總店試下好唔好食先啦~ 不過可能佢太好生意啦...完全無放出來比人試
我唯有比105YEN買舊散裝自己試下啦! 兩三啖就食完啦~
味道都幾好食~ 好香蜂蜜味~ 個味道好熟好似叮噹包兩面塊皮咁~
老豆都幾鐘意食叮噹包所以買左三盒~
三點幾啦~ 要出發去今晚住既溫泉 嬉野溫泉~ 其實長崎有個好出名既雲仙溫泉
我都好想去既~ 不過又要自己比來回車費~ 最後揀左可以用PASS 去既
三大美人湯之一 嬉野溫泉!
長崎搭到去肥前山口要轉車去~ 武雄溫泉站
到左武雄溫泉仲要轉巴士咖~ 架巴士係 JR 其下~所以係FREE咖~ 太好了!
16.37 仲有十幾分鐘有車~ VERY GOOD!
好彩等巴士到有位坐既~ 附近都無咩特別野!
上到巴士小貓幾隻啦~ 出發啦~ 周圍又係鄉下景色啦~
WELCOME 嬉野溫泉~ 你去過未?
一落巴士就係觀光中心啦~ 入去羅地圖問下方向~ 位職員小姐好熱心打電話
叫左酒店職員來接我...其實我已經揀左間好近巴士站咖啦...行都係7-10分鐘到
真係客氣~ 酒店仲開架七人車來接我一個人真係唔好意思...
上網揀左好耐~ 今晚係最豪咖啦~ 要成一萬二千幾YEN一晚...
間酒店都好大間呀~ 西式外表日式服務~ 一入房就有位嬸嬸招呼我抺手飲茶
仲比點心~ 叫我休息下~ 不過我見天仲光...快快手1出去行個圈~ 影下相啦!
一出酒店門口就陣陣串燒肉味飛埋來! 呢個嬉野溫泉區超多野食!
係我去過最多野食店既溫泉~ 想平只係BOOK房都大把野食揀!
第一時間就沖左去左個豐玉姬神社!
聽個名都似屬於女仕既神社啦!
日本真係咩都有得拜咖! 呢間神社係拜 海の神の娘・竜宮城の乙姫様
因為佢又白又滑再加上嬉野美肌既泉水得來!
街上係無咩人~ 不過呢到有成60多間美肌溫泉~ 泉水源頭有成16個咖
呢到有一樣好出名既名物係湯豆腐! 唔知今晚有無得食呢...
呢到都有免費既足湯~
見到有個蔬果店未收~ D生果好平呀~ 我真係好想食西瓜咖! 但真係好大個...
佢既樣好吸引! 食完飯我仲食得落野一定來食呀!
耐唔耐都會見到有座野可以拜下咁...
行到差不多就返酒店啦! 去行下手信舖都買左D手信啦!
我間房呀!
茶同點心原封不動放左向到!
乾乾淨淨就係我喜歡去日本既原因!
唔會用既浴室~
黃昏啦~ 等開飯啦!
住親溫泉酒店都好早開飯~ 因為除左食~ 浸溫泉都無咩好做!
今晚係全旅程最豪~ 12200YEN 一晚~ 諗左好耐揀龍蝦刺身定佐賀A5和牛好...
最後都係揀左龍蝦剌身...因為未食過! 仕坐低就有好多野食啦!
梅酒~ 我都有飲~OK! 酒精味唔勁!
龍蝦剌身! 我都係第一次食咋!
味道我都覺得幾似食生蝦~ 不過肉質就實D彈牙D~ 都幾鮮甜!
其他小菜啦~ 加加埋埋好似好多野咁!
呢個名物湯豆腐再加黑豚肉真係掂呀~ 黑豚肉味十分重~
湯够晒味~ 加埋名物湯豆腐好似米線既麵真係"正"呀! 我今次就飲晒D湯
第二輪野食出場啦..其實我已經好飽!
剩返隻龍蝦當然要做龍蝦湯啦~ 仲有好多肉食咖!
天婦羅同炸蟹鉗差D食唔落..
個汁好食咖~ 酸酸地! D漬物係用來餸飯...有我喜愛既蘿蔔~ GOOD!
個有味飯太飽啦...真係食唔落...
仲有個MUSSE甜品...食完真係飽到上心口!
食飽飽休息一陣就去浸下美人湯啦! 真係一路浸時已經覺得個身滑LULU啦!
越多死皮既地方越覺得滑~ 例如D腳爭咁啦~ 泉水D成份真得意
第16日既戰利品! 食食食!
食都好飽夜D都忍唔住食過枇杷布丁~ 都好滑好好食!
最緊要係好平幾百YEN有成8個係我見過最平!
沒有留言:
張貼留言