第一天08年4月7日關西中國四國九州

 一人19天之旅終於開始啦!! 我十分之好運向日圓高達785時去!! 真係&#*(@)&!!!

 問朋友借左部 i-PHONE 打算向日本都可以上下網啦~

 71號閘口登機...駛唔駛咁遠呀...

 經過新開的無印~ 不過無時間行下...

差不多行到的時侯見到有人舉牌轉左去6號閘口...嘩...真係想打人...由頭行去尾...又由尾行返頭...玩呀!! 仲有20分鐘登機...行快d 啦! 點知去到 GATE6 先話 DELAY!! CX 真係玩我了...
呢個時侯 i-PHONE 有用啦! 上左成個鐘網...

11點可以上機啦!

飛機餐普普通通啦...記唔起食左咩~ 個布丁就幾好食!

降落時發現好大雨...

大家可能都來睇櫻花...過關超多人...四點九開始排...

 6點14分有車~ 不過唔係特快~ 890YEN

 最後六點先可以去搭電車出難波!

大概 7點2 去到難波啦~ 不過一出站企向高島屋攪唔清方向~ 要問下路先去到酒店~

到左 ホテル　ル・ボテジュールナンバ CHECK IN 比埋兩晚房租9000YEN 房間OK啦~
識路行我間酒店都好方便~ 二人房好平七千幾YEN咋...

可以出發既時間已經係晚上8點!! 國泰完全打亂晒我既時間!!!

由於向HK 同人半價買左兩張大阪周遊卡1日券就過期啦~ ...
打算去梅田睇下夜景...但怕落雨就無去~

行去搭地鐵時行左陣地下街~ 唔用好似唔抵! 就搭左去本町!

一出站又係一條十分之長既地下街... 十分之多食店!

行下行下去到去心齋橋啦~ 去LOFT 行左一陣

朋友話千萬唔好食!! 難食過元綠 wor!

再行~ 去到道頓堀啦~ 見到 GURIKO 個大招牌啦~

由商店街行去道頓堀~~

仲見到好大個 YAMAPI!!

道頓堀極樂商店街朋友話無野行~ 不過PASS 可以免費入去~ 諗住入去影下相都好~

入面環境當然懷舊啦~ 仲有好多小食...野食...不過我自己就無食~ 只係行左陣~

少不得當然係手信舖

好快行完出返來啦~ 好肚餓要搵野食!!

朋友仔話四天王好食過金龍不過拉麵我食唔食都得...SKIP!

可能太夜啦~ 成十點啦~ 日本一大たこ 平時排晒長龍都無人排啦~

00 YEN 6粒細細粒~ 好脆~ 個汁有D酸~係幾好食!

食完仲諗緊食咩晚餐好~ 就比我見到 鶴橋風月! 係你啦!! 關西燒餅!!

叫左招牌的 風月焼き 加多一個 豚トロ

豬肉又爽又滑唔錯~ 不過要煎好耐先食得....

呢到燒餅係店員整~ 自己無得整...味道我就覺得好食啦! 又熱又脆! 加埋D汁GOOD呀~
不過無沙律醬...燒餅好流好快飽! 今餐 1600 YEN!食飽飽

10點9啦~ 慢慢行返去酒店啦~ 

行返酒店時行過龍...去左黑門市場
竟然仲有一間舖頭未收~ 就買左盒士多啤梨 368YEN 食下啦~

因為好飽下試左兩粒...都好甜~ 留返聽朝食啦!

頭一天戰利品! 12點訓啦~ 明天去賞櫻啦!!