今日離開大阪出發去京都啦! 今日都係六點幾起身~ 七點半出門口啦!
難波搭地鐵去新大阪先~ 270YEN! 再向新大阪轉車去京都 540YEN!
買個炒麵面包做早餐先! 180YEN 我自己幾鐘意食~ 不過覺得有D貴呀...
九點鬆D到左啦~ 先搵路去民宿放低行李~ 推住o急行左右10分鐘到啦~
放好野比左錢就出發啦! 行返去京都站啦! 呢個時侯太陽出來了~ 好晒呢!
京都站望埋去比較似商業大廈多d呀~ 完全唔似車站!
見到小飛俠同佢朋友?? 卡通唔係太識呀....
仲有 京都TOWER!
入到站十分之廣闊樓底十分之高!
本來打算換埋明天要用既 JR PASS 但條隊太長啦~ 打算今晚先換!
買車飛上嵐山啦~ 230YEN 睇指示仲有幾分鐘開車...狂跑追車了...
10.05 終於去到目的地嵐山啦! 行去買左嵐山小火車飛先~ 10.50先開車~
仲有大半小時就行去渡月橋附近睇下啦! 遠遠見到渡月橋啦~ 仲有好多櫻花!
之後慢慢行返去 トロッコ嵯峨站 啦~
單程係要 600YEN 好多人排隊等上車!
車地下唔係密封咖... 車椅鮮黃色咖! 搶眼!
開車無耐就又山又水~ 不過坐向上面D火車聲真係好嘈!! 入隨道仲嘈!
一大片山夾雜住D櫻花~ 秋天一大片紅葉應該會好靚!
到尾站時兩邊都出現一排櫻花路~ 好靚咖!! D日本人係咁叫KIREI! KIREI! [綺麗]
到達總站 トロッコ亀岡 本來打算行下...但眼見好似無咩行就搭返回頭車啦~
夠時間買埋飛上車不過得企位~ 又要600YEN啦!!
剛才的櫻花路向唔係好遠~ 回程時大家第一時間手執相機準備影多次櫻花路啦!
企向車尾都有好處~ 影到坐向到影唔到既野~
回程向 トロッコ嵐山 落車~
有個成山紅葉模型睇下~ 仲有個車站幾懷舊~
行出車站不遠就有一個小湖加神社
向 トロッコ嵐山 落車目的就係要行下呢個竹林~
竹林好高呀...路兩旁既稻草都高過我~ 樹葉吹到沙沙聲~ 夏天來應該會好涼~
沿路都好多人! 一路都是落斜行得十分舒服~
經過天龍寺原本沒有打算進去~ 不過見佢話櫻花庭園就比錢入去睇下! 要500YEN
入到去好彩覺得500YEN係值~ 沿路四周都係櫻花~ 有好多唔同種類的櫻花!
中間係我最想睇的大垂枝櫻花唔知係未開晒...定落左花...有D失望!
粉紅色的庭櫻我很喜歡~ 好鮮色~ D花開得好得意!
除了櫻花...我反而對天龍寺好似無興趣...太懶關係都無行去影下天龍寺...
小小白色的櫻花都不錯~ 可以生得咁密~ 包住晒樹枝!
還有紫色的櫻花~ 叫丁字櫻~ 都係細細朵...
應該係桃花來咖?
呢隻又深又淺色的櫻花都不錯!
折支成功的櫻花? 一樹有兩色櫻花~ 厲害!
影左半小時走了~ 經過一間野宮神社~
買左個四色雪糕食~ 250YEN~ 有一隻味係咸咖~ 都幾好食!
再行就出返大街啦~ 仲見到天龍寺正門...完全唔知可以穿出來羅!!
跟住行去渡月橋啦! 周圍都係人啦~ 好熱鬧!
一對對坐向河邊~ 傾下計~ 幾好~
有個好熱心伯伯同我影相~ 太好啦~
實在太多人~ 渡月橋牌無得獨照~
影完睇完去搵巴士搭啦~ 小垂枝櫻花~ 好靚!
我向香港買左張京都市巴士一日任搭PASS HK30~ 不過嵐山唔包~
去金閣寺 係要轉車~ 比左 240YEN~ 兩程巴士都超多人... 係無位坐...
入場費 400YEN~ 入場券好似符咁幾特別~ 金閣寺 我都幾鐘意~
所以一定要搵人同我影返張相先!
要行一個大圈先可以行返出來!
大家都係行同一個方向出去~ 幾多人!
京都行程太長啦~ 仲有下篇~咖!
有用資料:
京都観光情報 http://www.kyotokanko.co.jp/
沒有留言:
張貼留言