第三天[下] 08年4月9日關西中國四國九州

去完金閣寺肚餓啦~ 就搵巴士去錦市場啦... 巴士又係勁多人...又多婆婆...

好難得有位坐都要忍住讓比呀婆婆坐...我真係好 支力 啦!

錦市場 搭巴士係 四条堺町下車...但我睇D書話四条河原町落車...完全過晒...要行返去~

行過見到我好鐘意既牛奶妹~ 我有同佢打招呼咖~ 佢仲日日可以賞櫻~ 唔錯喎!

呢區應該係最繁榮~ 百貨公司...商店街都向晒呢到! 過左馬路見有位即刻坐底休息一陣先... 

穿過商店街行行下就見到 錦天滿宮 知道到左啦!

我滿心歡喜來 錦市場 諗住有好多野可以試食...唔知係唔係太遲呢?? 

試得都係漬物~ 即醃到甜甜酸酸各式蔬菜~ 我最喜歡食漬蘿蔔試食左幾次啦...

下午差不多四點 D舖係收左定休息??

其他我就唔見有得試食啦...有D失望

經過間舖見好人排隊係煎蛋卷呀~ 我又排埋一份! 

見D師傅不停煎仲以為會新鮮熱辣TIM...

原來係比放涼左個D! 買左個最細 556YEN!

我以為入面有其他材料原來係無咖...無筷子...我就一路行一路用個膠盒夾住食~ 哈

行返出大街~ 好容易就搵到巴士去清水寺啦!

某家門口~ 種了唔少花~ 真有心機!

行上清水寺係條長長斜路...又唔算好斜不過唔平啦~ 

去到手信街有好多野試食~ 又有茶可以飲! GOOD呀!

4.45啦~ 時侯唔早啦~ 拿拿聲入去啦~ 又係好多人啦!

入場300YEN ~ 

成班外國人向到洗手

全木做的清水寺當然要 SHOW 下佢D木啦~

 清水寺入面都有唔少櫻花!

 要同清水寺合照就要去對面啦~ 

求姻緣個面收左啦...無得去睇下個姻緣石...

清水寺加埋櫻花先靚~ 紅葉我諗都好呀!

搵緊人同我影相時聽到幾位人士講廣東話啦~ 唔該啦~ 呢位香港人~

影到相左心滿意足離開啦~ 

去到飲清水的地方仲趕到可以排隊!飲完水離開啦~ 

經過一個小池塘啦~ 成池都係櫻花!! 十分之靚呀!

又見到剛剛班香港人啦~ 位男士又幫我影相~真係唔該晒!

5.45啦~ 天開始黑啦~ D人已經排緊夜晚6.30的夜拜...

我無理由呢頭出來轉頭又入去咖...所以無去啦~ 去行下手信舖!

食左少少試食~ 

幫朋友買左佢要既電話繩...自己買左兩條比呀媽就走啦!

搭巴士去返JR京都站又係得企...去車站隔離 BIG CAMERA 到睇下買條相機帶...

點知得好少款...全部都係粗既...唔駛買啦~

京都TOWER 我一定唔只影左兩張...但D相ERROR 左...得返兩張咋...

由於唔係好餓...加上我真係十個支力!! 向百貨公司坐左陣~ 

羅左D餐廳單張返民宿睇下有咩好食啦!

上到房啦~ 可能佢無單人房一個人都係雙人房~ GOOD!

單人一晚都係 4000YEN 有咁既房好唔錯啦~

又乾淨~ 樓下仲有得上網! 真係太支力啦~ 休息下睇下電視~ 

 影下今日既戰利品先出去啦!

8.45出去食飯啦~ 行入民宿大路到有兩三間食店~ 一間食牛丼, 一間無咩人拉麵, 

一間都幾多人既食店...梗係揀間多人安全D啦

入到去~ 佢應該係間居酒屋來~ 好多年輕人向入面食野...一人一大杯啤酒!

第一樣當然睇下有咩食啦... 不過全日文羅...大部份日文都係拼音唔識睇喎! 

佢見我係外國人比左本英美MENU我呀~ 不過無咁多野食...是但叫左三樣先!

唔飲啤酒唔緊要~ 我飲水~ 免費!! 仲有炭爐燒野食!

叫左燒豚肉, 炸雞軟骨, 燒魚...樣樣都好食...係個燒豚肉理解錯誤...我以為佢係用火燒...

點知唔係~ 係凍既! 好似火腿~ 用來餸酒都唔錯~

個燒魚超多肉! 好大舊~ 燒左好耐~ 夾開D肉出晒煙! 正! 

最後個燒蝦~ 超大隻好好味~ 好平咖二百幾YEN...香港幾十蚊一隻咖~ 

不過太飽了無食多隻! 今餐食左 1840YEN~

食飽返去時開始落雨啦~ 返到民宿上下網~ 睇下D櫻花開成點~ 沖亮訓覺啦!