第九天-下4月15日關西中國四國九州

行下睇下行左廿幾分鐘

先行到去 JR三宮站啦~ 搭車去元町街啦! 放工時間JR超多人呀! 今日都行到有D支力...啦!!

出到站搵指示行去中華街...但唔知邊面打邊面都係問人啦!

問人永遠都係最方便! 好快就搵到入口啦! 係西安門羅~ 哈!

如果D街燈開埋就好啦! 間間D野食都差不多~

好想食!! 但要忍住就食飯啦!!! 留返去長崎先食啦!!

神戶中華街到此一遊! 都係第一次去中華街...

OH~ 好快就行完~ 其實D中華街應該係開比日本人行...中國人行真係有D怪咁!

今日同 BUS 係好無緣! 又要自己行去神戶塔~

18.20日落啦~ 睇地圖行去又唔算好遠既~ 慢慢行啦!

行左10分鐘去到神戶港地震記念公園
自己對神戶地震無咩記憶~ 不過現在完全睇唔出神戶發生過咁大既災難
日本人其實真係幾厲害~ 十三年時間令一個嚴重受創既城市發展得更好!

成個公園入面基本上係無咩人~

海洋博物館加神戶塔~

趕得切日落加神戶塔~ 不過神戶塔著燈斜陽就無啦!

懶到係無打算行過去... 相機 ZOOM 過去算啦!

睇側面都唔知佢係咩來~

OH~ 原來係比人結婚既教堂~ 日本人真係好鐘意浪漫呀!

對面仲有摩天輪!

燈火通明的神戶港!仲見到海溒呀~ 海上自衛隊

時間都係七點到~ 慢慢影下神戶塔啦~

影多次摩天輪就走啦!

見最近個地鐵站好似近過 JR元町站咁就行去啦!

點知錯晒啦! 行去月台超遠...同行返去JR 元町差不多~ 仲可以慳返 200YEN車錢!
最重要條線係唔到三宮!! 我仲要向地下街行返去三宮~
不過好彩問下人都唔係行太遠

上到地面行一會就去到 IKUTA ROAD~ 好容易搵到 MOURIYA

MOURIYA 一定要 BOOK 咖! 唔可以WALK IN

首先上左第一道菜! 好彩唔係生牛肉~ D牛肉半生熟好淋~ 酸酸地好開胃咖!
等一會師傅羅住我塊A5神戶牛出現啦! 我呢塊係180g 都唔係好大塊之ma!

朋友仲話好濟你食唔晒咖! 簡直無可能...不過其實我個晚係唔餓既...

呢幾塊蒜片厲害羅! 我起碼見師傅煎左佢十分鐘先變金黃色...

由於唔係好餓就揀左食面包唔食飯啦!

我set係北海道帶子加極上180g 和牛~ 先來鐵板帶子~! 好大隻~

用牛油鐵板燒就可以! 帶子煎完都無縮水! 一口半隻帶子正呀! 好甜咖!

食緊見師傅擺陣~ 準備食牛啦!!

首先師傅會問要幾成熟~ 之後最見師傅手起刀落同件牛分開幾部分!

好快就有得食啦~ 第一口食落去...我又feel 唔到入口即溶! 不過都好好食~

十分之淋同有牛味! 但覺得好似昨天丸明好食D!

最唔鐘意就係個兩粒魔芋...蔬菜豆腐其他都好熱好食!

第 2 part 呢三舊就係成塊最好食個 part~... 最厚! 最肥美! 一咬落去有埋油既感覺~
真係唔駛點咬! 回味中!! 來埋最後四舊就慢慢食啦!

仲有一舊煎脆晒既肥膏~~ 加埋煎脆晒的肉碎炒芽菜~ 完了! 講下個蒜片先...

師傅用油煎左佢成十分鐘...但食個時真係一d油都無...仲要十分香口! 掂呀!

我已經慢慢食咖啦...但都好快食晒...本來仲有杯餐飲...但我杯可樂都未飲完就唔要~

食埋個甜品都係食左45分鐘...點解人地可以食兩小時咖...
成 SET 連埋加一係 9130 YEN 暫時係我人生中最豪的一餐要成港幣700...
不過點都要豪一次啦!  食飽9點啦~ 聽日早車返酒店啦!

去新神戶要搭地鐵~ 又要200YEN

向新神戶搭新幹線返新大阪時發生全旅程最可怕和最好彩的事!!
新幹線到左~ 上車坐底發覺有d 唔對路...點解兩隻手咁空曠既...
個心即刻離一離!!! 係沖出火車羅...我部450D呀...六千幾咖...
去返等車時個位見到我部相機!! 幾好彩... 仲有個日本男人坐左向到食煙...
見到我就問係你留左咖? 小心D呀!!
即時好開心上返車! 一齊事件都係發生向三分鐘之內!
真係好彩發現得早! 好彩我係向日本旅行咋!

向北野異人街觀光中心給既印

今日唯一的手信係買比自己~ 因為向姬路城慳左800YEN買返個 370YEN