第十天-上- 08年4月16日關西中國四國九州

南紀之行出發啦!來緊一連兩晚都可以浸溫泉~ 太好啦!
又放個o急向酒店~ 咩住呢兩晚既行李出發啦!
本來打算食個 SUPERCHEESE漢堡包 點知十一點先有!
咁買個便當食啦~但睇唔岩個個都覺得好貴~ 好似日日都食左好多錢咁~ 哈
落月台睇下有無烏冬食啦... 點知自己個月台無對面個月台先有!! SHIT!

上一班車係 7.35 無可能咁早啦~ 唯有搭 9.02分JR 到今日第一個目的地先!

 

 

無得食烏冬咁買個飯團加炒麵包啦~  130+180YEN

開車啦~   經過一個唔知咩館~

呢程車就耐羅三個鐘火車先到!  訓甦都仲未到!  12.06好準時到串本啦!

第一件事又係羅下地圖~  睇下有無記念印啦~  羅埋個巴士時間表!

本來打算只去橋杭岩~  但最近班巴士係去潮岬! 咁好啦~  都去啦!

到潮岬巴士費係370YEN~ 十分鐘多D就到啦!

一落車就衝左去本州最南端~  完全忘記上個觀光塔到...
下一班車仲有成個鐘呀~  咁就周圍行下啦!

今日天氣十分唔好~  不過好彩係無落雨~  見到潮岬燈台啦~
望出去一大片汪洋!! 條海平線無盡咁長!

私家11號巴士又要出動啦!  行去潮岬燈台!

向巴士站仲要行成 五,六分鐘 先去到燈塔!  入場要 200YEN!

陰天影出來都OK啦~

比左200YEN係可以上去咖~  先行樓梯上去
要行出去仲要行條好窄既樓梯上頂...  太窄同唔夠光無影啦!

出到來我個人都驚驚地啦...  輕微畏高證發作~ 哈
望出去又係海同天~

落返去隔離有燈塔資料館~  可以睇下關於燈塔既野

睇完影完差不多有車去橋杭岩啦!巴士先返串本站停一停再開去橋杭岩~ 二十分鐘到啦~ 380YEN

 今日天氣唔好D水吹到都唔清~ 睇相D水好清咖影出來好靚! 不過算啦~ 總算來過

同埋現場睇會靚D 打直一排排晒向岸邊都幾特別! 相只可一PART PART咁影!

隔離好多日本呀叔...係咁衣影到我就算啦~ 顧唔到我隻手~ 哈哈

我個相機盡晒力啦~ 最WIDE 咖啦!

因為時間有限 [有巴士] 只可停留15分鐘所以無行出去D石到啦!

返到串本站給埋個印就上車啦去下個目的地啦

經過橋杭岩呀~ 都仲影到!

沿路都係海~ 海~ 海!
呢架係慢車來同向四万十川個架有得揮...

因有D路係單軌有時要等另一架車過左先可以開! 所以成個鐘先去到勝浦

車站出面就有個足湯啦~

到對面巴士站買左來回車飛先 1000YEN 就快有車啦!

夜D會再返來咖~!

巴士會去左 JR那智先

話咁快就來到那智大瀧啦!

搭巴士到 滝前 就好易見到 那智大瀧 入口

要行好多級樓梯先落到去~ 一路落一路擔心一陣上返來...

世界遺產之一那智御瀧

飛瀧神社
睇相記得有個地方影相那智大瀧係無樹遮住!

原來係要比錢咖 300YEN 有個符既物體~

可以長命D當然要飲下啦

瀑布太高啦~ 只可影到下面

落來就易啦~ 上返去就...唉~ 為左唔駛禁辛苦行幾級停一陣~ 仲衰過D呀婆~ 哈!!