DAY 1仙台藏王8天 08年2月21日

終於可以開始寫08年第一次既遊記啦! 呢次旅程係因為好想試一下滑雪加上我又心急! 

見到特價機票 SEARCH 一下資料就買左機票啦...今次又變左單人之旅! 住宿費好貴~ 

加上日圓對725...四月又要長旅! 真係要慳D洗!

直航機去仙台真係好唔抵咖! 下午機去早機返頭尾兩天係無左咖...

不過見$1560...好啦~ 忍下你啦!

由於下午機...我係打算11點起身...但朝早七點先訓到...懶下床12點係驚醒...最後8折的士極速去機場1點10...剛剛趕到機場但要成$216 真肉痛...

上網CHECK 好 IN 去到都係要等出機票...上網CHECK IN 為咩呢?? 

個站口真係十分之前啦! 要行好耐下!

 

架機係無電視睇! 咩都未食就沖去機場! 好想快D派餐啦!

有得食啦~ 揀左草莓香酥骨~ 甜甜酸酸我最愛啦! 

仲有雪糕...不過係我最唔LIKE 既朱古力...好苦...食左少少...

食飽好難得我係訓左啦~ 訓醒太陽落晒山啦~ 仲有D光! 靚呢

 

準時到達! 無咩人關係好快過左關啦!

指示好楚行5-10分鐘就有JR出市區啦!

630YEN 就可以出到市區啦

上網千揀萬揀! 兩星期前發現呢間新開 APA HOTEL 做特價單人房$5800YEN 

一晚扣埋POINT $5300YEN一晚! 最緊要係佢有溫泉可以浸! 又夠晒新!

房間夠用啦~ 唔會好大! 

個電視就好大啦~ 仲有埋高清! VERY GOOD!放好野就即刻去搵食啦! 

本來打算係食牛舌咖...點知夜啦~ 好多都收左! 一係就過左LAST ORDER... 

行下行下去左食燒肉! 但入到去見到唔係炭火燒有D失望!

無留意就叫左個 $1000 YEN拼盤...叫左真係後悔啦...除左牛潤之外其他都唔知係咩...

仲要見到一個係寫住 "子袋 " 真係...唔知食唔食好... 好彩食落樣樣都係爽咖~ 都幾好食! 

係有一格係豬腸無食! 牛潤好好食WOR! 好爽咖!

叫多個好好食既 豚 トロ 食埋個飯~ 婆婆送左碟 KIMCHI比我都飽羅!

今餐食左 $1942 YEN

食飽飽行下行下見到 SEIYU 24小時超市~ 好開心~ 行下啦!

生蠔~帶子~大蝦~ 十個平!!...

最後買左個杏仁豆腐雪糕同布丁就行返酒店啦! 

差不多12點啦~ 都無咩人啦!

條街都幾凍! 車站行去酒店都要10分鐘到~ 

返酒店先慢慢食個雪糕啦! 個雪糕同兩年前買都係一樣 $85YEN 勁大杯! 抵!

食完拿拿聲去酒店溫泉浸下先~ 開到 1AM! 聽日先比溫泉浴場大家睇下啦!

第一晚都可以向日本食餐飯~行下超市~浸下溫泉都算唔錯啦!