DAY 2 仙台藏王8天 08年2月22日

OH 原來酒店溫泉係聽日先有~ 咁第日先睇啦! 今日懶床~ 9點半先起身~ 

不過今日係向仙台市周圍觀光唔怕啦~  最後10點8出發啦~

慢慢行去車站都唔係好遠既~ 凍凍地既天氣我最鐘意!

BOOK 左過兩日去藏王既巴士~ 

買埋 BUS 1DAY PASS 出發啦~ $600YEN

第一時間去做咩? 當然食返個早餐先啦~ 食返禁晚食唔到既牛舌!

睇RURUBU揀左最平個間老舖~ 旨味太助! 門面都夠晒老啦!

11.30開門無耐入面已經有好多日本人向到食緊啦~ 坐底基本上佢都知你食咩~ 

因個個都係食 牛タン定食!  單人多數都坐BAR 位~ 

見到師傅個卷牛舌真係嚇親! 到底個到可以燒幾多碟牛舌呢??

其實之前我係唔食牛舌...不過一場來到仙台當然要試下呢個名物啦~ 等左兩,三分鐘就有得食啦~

 碗飯係麥飯來~ 

牛舌剛燒起就最好食! 爽得來淋身~ 容易咬! 比起上網見到人地食第二間話好UN! 

我總算無揀錯舖頭! 伴碟既菜係醃過~ 好脆同酸酸地同牛舌一齊餸飯就開胃D! 

飲埋碗牛尾湯好滿足咁離開啦! 個SET 係$1260YEN! 算好平!

 

食飽可以去觀光啦!~ 剛好有巴士去返仙台站咁就由仙台站出發啦!

第一站到啦~ 瑞嚴寺! 巴士站轉個彎就見到條長長斜路...真係唔想行!

行完斜路仲要行樓梯...OH...個個行完都氣來氣喘~ 哈哈

終於行到上去啦~ 

好口渴買杯野飲下先! $100YEN 士多啤梨奶昔!

其實個入場劵唔買都無所謂...因為都無人查飛...不過我都買左...$300YEN!

有少少雪向到!

瑞鳳殿原來係伊達政宗墓地~ 我雖然鐘意日本~ 但佢地D歷史我係完全唔熟! 

不過伊達政宗我都聽過既! 瑞鳳殿門面夠晒花巧! 不過原來係重建出來!   

 

行過杉木林就到埋另外兩位二代的忠宗及三代的綱宗墓地

行完個圈就無野行~ 走得啦~

途經過墳場~

之後剛好有巴士~ 就去仙台城遺跡啦~

上來諗住會見到一座城...無留意佢係遺跡即係無城啦~ 可以望下仙台市

仙台最出名除左牛舌我諗就係呢個伊達政宗騎馬銅像!

 行埋個神社又係走得啦~ 我無比錢去睇D資料館~ 有興趣既朋友可以去睇下!  

 今日觀光完畢啦...我只對呢兩個地方有D興趣! 

時間剛剛好有巴士~ 之後就去返市心三越同D客買 HELLO KITTY...SNOOPY...周圍行下街啦...

比起hk吉野家呢個餐都算平!

行一陣街就覺得好 支力 啦... 見到 MISTER DONUT 就試下啦~ 

第一次食 donut 又真係幾好食wor! 左面係綠茶右面係黑糖! 綠茶是最好食!煙煙韌韌又甜又咸!

行多陣商場就搭巴士去返仙台駅個邊D商場行過啦! 

市BUS 係$100YEN 一次!

右面個妹妹仔條校裙會唔會真係短左D呢??

之後行程都係周圍行下...睇下野...無咩做咖~

野飲$100YEN 算好平咖啦~

最大既行程就係行下百貨公司賣野食個兩層!

本來打算係百貨公司樓下買D野食返酒店叮叮下來食...三心兩意睇唔岩~ 睇岩又覺得唔抵! 

買買埋埋可以出去食餐好! 所以都係出去食吧...

最後無心水之下係去左食松屋! 哈哈 食我好鐘意的漢堡扒! 今次食有SET~ $580YEN

味道一樣咁好食~ 仲無這上次咁多油~ 平!靚!正! 

食完行左陣電器舖就返酒店睇電視浸溫泉啦~

經過 MISTER DONUT 又買左兩個聽朝食! $200 yen! 綠茶同原味都好食!

 同人買既戰利品!