DAY3B馬尼拉長灘島晒燶hea爆之三人行-08年8月30日

係唔係好熟口面呢~

個防水袋有粒水點無留意!!
只FOR酒店住客用! 仲要有實Q 睇住!

人地係住客就可以用! 太過份了! 我地問比錢都唔得呀!

唔比訓我地咪又玩水羅~ 另外2位小姐咪成日向到影相羅!

白痴 Q小姐出場啦! 都幾大浪咖!

向水入面有咩玩呀...咪搵下有無魚仔羅~ 又係白色既...

不過D水一下子就會好深都係向岸邊浮下算啦! 人影都無個~  包晒! GOOD!

無咩陽光真係唔錯! 因為我已經嚴重地晒傷左啦!

玩左兩個鐘到~ 我地架船準備走啦

開船啦~ 無咩表情的賓賓~ D水幾淺色!
今日比賓賓欺騙晒! 明明講好1500PHP 6個鐘四點幾先返去~
我地2點幾就返到岸啦~ 因為有D地方我話唔去...佢又唔會返轉頭
我地打算向岸遠D停船浮潛佢都無視我! 可惡呀!
1500PHP 雖然唔係貴 但唔抵呀嘛!  兩點幾就返左岸!
返酒店沖一沖身兩位小姐就返左屋
我就自己一個出去游下浮下啦~ 一年先游個一次水~ 當然要不停向水到啦~
最後我玩到五點先返去~ 兩位小姐就出動話行去 搵 FRIDAYS
我就話一陣去搵佢地~ 叫佢地一直向前行!

極速出返來~ 個太陽準備落海啦

又係呢D沙坑~ 好硬呀!

我個人幾長~

周圍都係金黃色~

太陽出來了~

行下影下都行左成10分鐘先去到 FRIDAYS! 我完全唔見個兩位白痴小姐...
佢就係好多都要去影相既 FRIDAYS 啦~ 不過唔知點解個名搬左入酒店...

嗚~ 又一日啦~ 又一次日落

FRIDAYS 出面咁樣整個地即時好行左!

向西D色靚好多!

日落時個沙灘應該係最闊...

唔見佢地 當然要行返轉頭啦~

最美麗既顏色又出場啦!
拿拿聲行返轉頭~ 終於見到佢地~
佢地話搵唔到 FRIDAY 喎!! 有無搞錯呀...得一條路都搵唔到...

不過趕得切幫我同斜陽影返張合照!
之後大家都肚餓啦~ 成日都無咩食野

今晚既晚餐就去一間五星酒店到食 BUFFET~

先來個 ZERO 先

BUFFET 就OK啦~ 不過無咩海鮮...得一個炒蝦咋...仲要幾細隻下我都無食...

主要都係食我鐘意既沙律啦~  右下角個叉燒物體好食喎~ 食左好幾塊~

湯麵包都可以~ 熱野我就無咩食啦!

好似唔係食左好多野都好飽啦~ 哈哈

食左好多芒果~ 今次就好甜啦!
今餐每人 680PHP 為返HK120到啦~ 如果想乾乾淨淨食一餐呢到係OK既!
食完兩位小姐就去左D手信店行下...我就向門口等佢地啦...等極都未出來...
有無咁多野買呀......最後九點幾十點先返到酒店~

椰子油~ PHP120 講價變左 PHP100
一路查一路聞到好勁椰子糖味! 平時我一定唔整呢D野咖啦!
但我手呀、搏頭、大批、心口、背部上方已經晒到紅晒... 痛到爆炸!
上網見人講椰子油對晒傷會有好轉...大家都不停咁查!

島上唯一買既手信 加埋 PHP270!