DAY1 九州親子溫泉之旅-09年1月25日

今日年三十係搭11.30 HK到上海轉機~  但一早有事做就去圓方 CHECK IN 先~
向圓方機鐵站一定要 DO左八達通先可以CHECK IN...即係一定要搭機鐵啦...

我同呀媽就好豪一人九十幾蚊搭機鐵...唉!!

由於比同事老點話東航無飛機餐...我地係向大家樂買左兩個燒味飯!!
但飛左唔係好耐我就聽到佢話準備派餐...真係想打我個同事...

飛機餐肚餓既話都算細~ 不過我地仲食左一個燒味飯...食到好飽...

食完佢竟然有 H雪糕派~ 嘩我同呀媽都覺得好出奇...事關機票好平下
都會有D叫貴既雪糕派~ 實在出奇!

WU~ 到左上海啦~ 入機場要轉巴士~ 一出機超凍呀!

行李會直接寄埋去福岡~ 我地就兩手空空周圍行啦!

個機場會唔會黑左D呀~
問下路~ 我地係要上三樓去出境大堂到!

東航上海好多機去日本~ 可惜大阪 FULL 左~ 唔係我會揀去大阪咖!

上到出境大堂即時光猛晒~ 仲見到世博個藍公仔~ 好大個棟向到!

機場個頂好多一支支柱羅...點解要咁樣設計呢?

因為我地無打算出去上海市所以就入閘啦~
去程差不多要等成4個鐘呀...不過新年旺季轉機平咁多就無辦法啦!
呀媽就向到中眼訓...我就睇下D書羅...最後大家都好飽食埋個燒味飯...
又向到鬧我同事啦~ 哈哈 唔食唔同我羅埋去日本咩...
終於等到夠鐘上機啦~ 上海福岡同 JAL聯航...

唉...又食啦...今次無雪糕啦~

大概八點幾就到左福岡~

好清楚話我知係 4度~

由於上次我係搭的士去機場...所以唔知搭地鐵係要國際線搭巴士去國內線!
架巴士行左好耐先去到國內線~ 如果搭的士我諗到左酒店啦~ 哈

今次我揀左住向天神~ 首先搭地鐵250YEN 一位
好快就去到天神站~ 我地個出口係1號都幾遠下仲要行樓梯~
試新野就係要D代價~ 行出出口都幾大雨下~ 不過都好順利搵到酒店!

間房因為兩張單人床都幾迫下~ 不過主要訓都無咩所謂~ 夠晒乾淨就OK!

呀媽第一時間就係煲水...我就第一時間開電視~ 再睇下食咩好啦!
休息左半小時~ 時候都唔早啦~ 出去搵食啦~ 本來打算第一日就去食屋台
唉~落雨~ 又落雨! 近近地去左食一蘭啦!
經過今日D燒味飯同飛機餐我地都唔餓得去邊~ 食拉麵就岩D!

又係呢隻蛋又係呢隻碗~ 一蘭既蛋都係咁好食! 100YEN

今次叫左一塊牛油...真係好油呀~ 麵690YEN+木耳絲100YEN

加埋隻蛋落去~ GOOD 呀~ 加埋辣就仲好食~

我當然無可能飲晒D湯啦~ 不過去晒呀媽個碗到~ 哈
食飽飽同媽咪雨中慢步返酒店沖亮休息啦~

*提外話 年三十晚 上海飛福岡時候我地向上海上空見到勁多煙花~ 超靚呀!