第四天-PART 3 一人行之白色東歐10年2月16日

等到夠鐘時先發現個 TOUR係得我一個人...唔係呀嘩...

EUR9.5有一個專人帶我參觀...真係VIP待遇！
沿途都見到有少許遊客既不過唔知點解佢地唔 JOIN TOUR呢
專人修女帶我上樓參觀啦，一開始走廊係粉紅色好靚，一陣返來先影！
因為全程都係講英文...我都真係知D唔知D咖咋...介紹錯野唔好怪我！

應該係皇袍

呢個係藏寶箱來咖，超大個，修女仲示範埋鎖佢時入面點動！

個模型好靚喔，真係同真差不多！

應該係比人演奏、跳舞

以前下面用來生火取暖

一路參觀都發現呢間修道院真係金光閃閃！

音樂係靠窗飄出去

去到露天部份啦...

見到剛落車既教堂呀！周圍屋頂都係白色白色！

OH～ 個天真係好藍呢！ VERY GOOD！

睇完靚景就入返室內啦，唔駛講都睇得出係圖書館啦！

靚靚通花樓梯，不過唔可以上的！

真係周圍都咁靚！

其實樓梯唔係好長，因為向樓梯底裝左塊鏡先睇落好長！

最後去埋重頭戲啦！就係超級金光閃閃教堂！修女話真係用左廿幾KG真金咖！

個天花真係又係咁靚！

金既比例唔知係幾多呢？

中間圓頂天花，都好高咖！

我中意個窗花呀！

教堂就係TOUR終點站啦，同修女講埋THANK YOU＆GOOD BYE

修道院因為曾經是國王的城堡，後期才改為修道院，所以佢先咁 "金"

 

         因為冬天呀唔JOIN TOUR 係唔可以入去參觀~ 夏天就可以自己周圍行！

起點時既粉紅樓底～ 真係靚！

中國人就中意龍，我覺得外國人就中意鷹！

 藍天出來就VERY GOOD~ 影相更加靚！

剛剛就係行呢到上來，其實另一邊有斜路行！

行回到大街佢地唔知有咩節日...好似萬盛節咁！

八掛完就搵車站走啦~ 周圍幾寧靜，人都無個...

MELK最出名就係 STIFT MELK 基本上去到邊都見到

去到車站見到成個站好似要起過咁...

去對面月台要行高橋...佢識震咖...

差不多有車啦，今程車個多小時 EUR15.4

我真係幾無用...行呢D橋都驚~哈哈
向火車到累到訓左成個小時，好快5點又出返到史帝芬廣場...

入去史帝芬教堂行左個圈，不過入面又唔算好靚就無影了
見天未黑就周圍行一下啦，個史帝芬廣場附近唔知點解特別凍...

周圍都好多人~

葛拉本大道中央黑死病紀念柱，兩旁仲有好名店
行左成個鐘已經由餓變到唔識餓...不過人就真係好累...

跟住旅遊書既地圖係完全無可能搵到想食既餐廳...個地圖係超簡略板
搵左好耐先醒起向民宿羅張份詳細地圖，簡直係神燈!!!
旅行書唯一用途就係佢有餐廳地址...

終於搵到餐廳啦!!! 由天光搵到天黑啦！FIGLMULLER

主店太多人係坐唔落...分店只不過轉個彎直行一會就係！
今餐食維也納好出名炸肉排

辛苦一日先來碗牛肉清湯...係無牛肉咖，不過好飲呀！好多蛋絲！
CLEAN BEEF SOUP WITH BOLETUS - EUR3.1

果然係名店~餐紙都有幾種語言~

FIGLMULLER SCHNITZEL GEBACKEN - EUR12.9
主菜上場，真係超大塊成個細PIZZA咁大，新鮮熱辣好大好薄身！
炸完唔油，又好脆，肉一D都唔乾...不過真係太大塊啦...一個人係無可能食晒...

仲加埋個 POTATO-FIELD SALAD - EUR3.8

平時食飯唔飲酒的我都叫杯啤酒解下熱氣...不過都幾苦下！
今餐食左 EUR23...我覺得一D都唔貴！

食完飯出街好似仲凍左...有小小飄雪

 行下行下又去返史帝芬教堂手影係濛 D啦

很可惜當時唔知腳架可以打直用啦，用手影係唔夠靚！

都係個句啦。。。唔好以為好夜只不過晚上七點幾咋！

史帝芬教堂周圍都咁多樓，但唔知點解呢到特別凍！

天氣太凍啦。。。我完全忘記左去影多瑙河夜景。。。8點就返民宿。