第二天-新加坡四人行10年6月16日

今日訓到上午已經被雨聲嘈醒，係超級大雨呀~ 所以大家都遲D起身啦~
我去沖亮叫左佢地落街食野，我懶得落因為怕熱~ 哈哈

不過D朋友仔怕我餓都買左米糕同炸香蕉比我食!

薏米水同菊花茶
由於仲落雨我地今日既活動就係行街啦~ 商場唔會有雨啦!

C親戚屋邨~ 同香港個D都好似不過面積當然大好多啦~
三間房仲有個大廳~ 洗手間有兩個~ 仲有雜物房!

地鐵影一影

我呢兩日好需要佢!!!

我地住個到係住宅區所以出市區都要搭成半個鐘車~
不過住唔駛錢就比多少少時間搭車啦!

出到烏節路是但去左一個商場先
MANGO 減價多人都顛呀...唔知真係以為唔駛錢!
原來D新加坡人會專登等大減價時請假SHOPPING...真係勁!

如果無記錯呢個商場應該係 ION

陪班SHOPPING人士行左一陣就即時去高島屋搵路落B2果層

我要既野係向入面!!!

企正向大門就係我3個朋友+1人地親戚啦!

我今次有寫低詳細地址搵到佢啦! 榴槤 pen cake!!!

超正 PEN CAKE 皮即煎！

最重要既野向雪櫃羅出來啦!

SG$ 1.5 一個交到你手係熱辣辣~ 咬落去仲脆脆地~ 充滿榴槤味!!!
一定要去食呀!

   一場去到我當然唔會咁易擺手啦~ 心思思又買多樣

榴槤瑞士卷...雪得佢太凍啦! 入口係榴槤雪芭咁!

之後仲要向FOODCOUNT 食多個叻沙!!! SG$4.5 好食呀~ 夠辣!!! GOOD!

呢檔得意呀~ 揀餸比人滾!

終於無落雨啦~ 不過個天真係幾黑下!
我果3個朋友...係超級行街精...可憐既我都要一齊行街

PRADA...GUCCI無一幸免

GUCCI

我地都向到消磨左不少時間

烏節路有幾隻呢D膠公仔~ LV 個 DISPLAY幾靚呀~
行完街我地就食飯啦! 住向新加坡個人係唔識搭巴士>_<

我地就搭地鐵去到 ANG MO KIO 轉的士啦!

OH~ 我今次帶埋朋友來探你呀~ 佢都仲係咁好生意~ 鬼死咁多人!

人人都要叫個野飲下先啦~

花生頭盤小不了

呢個佢話係蕃薯苗! 完全都唔似我食開個D既...佢係好幼嫩

呢個唔係唔好...用來點汁都OK...但佢無炸羅唔係熱既...

帶子玉子豆腐~ 朋友話要食都幾貴咖~

好野上場~ 奶油蟹~ 一樣咁好食!!!

麥片蝦~ 脆就好脆啦~ 不過D蝦都無用糖炒既~ 唔及向吉隆坡好食!

WOW~~~ 蟹米粉又來啦~ 個個都大叫好食、好鮮甜呀!!!

黑胡椒蟹一樣少不了啦~ YUMMY!!!

朋友想食多次要左個唔辣既~
D炸麥片食到尾我地用奶油蝦D汁來撈~ 嘩!超好味呀!!!
今餐5個人加埋食左 SG$204 唔貴啦!!!
食完都唔早啦~ 返屋企啦

今日向MANGO 既戰利品~ 難得呀!