博多一風堂拉麵

  見雜誌介紹一風堂，今天晚上剛好在尖沙咀就一個人去左試下!

門口真係人山人海~ 想食又唔想排一個人去啦~ 快到無朋友呀~
佢D位我見係5個一排所以經常會有單丁位!

拉麵都係幾款比你揀啦~ 我揀左赤丸$68 加蛋$10

我向日本都比較少食拉麵食過最好食都係一蘭就用來比較一下!
落單時隔離點菜服務員有問中意D麵硬D定淋D...但同我落單個又無問我又忘記了叫淋D >_<

等左5-10分鐘麵來啦~ 份量正常啦[女士] 雞蛋一隻放左落去賣相零分啦...
先試一口湯~ 夠晒濃味同一蘭差不多~ 可能就香港人湯上面唔算多油!
博多拉麵係幼身我就最中意~ 由於佢無問D麵要唔要淋D所以對我來說有少許硬...
食落口麵條有少許[章]口 ，一蘭麵條好像好一點
叉燒2塊都比較厚身~ 半肥半瘦好食過一蘭
雞蛋咬開係橙黃色半熟~ 不過佢係唔熱...靠夠湯加熱...
我覺得一蘭隻雞蛋好味D...佢係原隻上同本身雞蛋有少許咸味
拉麵食到一半已經食到個人好熱啦~ 我個位冷氣唔够呀...

拉麵其實真係好食既~ 唔駛飛去日本都食到咁既質數收貨啦
不過如果要排個幾鐘你就真係唔駛指意我再食了!
本來想食埋佢個一風堂叉燒角包但見隔離叫左好似無咩汁就無叫~ 或者有機會再食啦!

$78 來到香港一定要加一啦總數$86...唔計等麵時間...我相信我食左10分鐘都無...