DAY 1 首爾又行11年2月3日

2011年第一次塔飛機呢!!! 農曆新年例牌要去旅行啦!
今年揀左去8日韓國過年~ 今次仲有朋友M小姐加同事E小姐夫婦...一共4個人
農曆新年去韓國機票當然唔算平，但價錢勝在都仲接受到韓亞計埋TAX $36XX一個人

臨出發前仲向HOME發緊燒...病住上飛機...幾驚入唔到境...
向香港狂食日本藥，上到飛機即訓餐都唔食啦!

去韓國始終都係揀凌晨機...抵呀嘛!!!
感冒搭飛機下場就係耳仔降落時勁痛同塞左...聽野好細聲 ><"

日本藥真係有D效...食左兩日都好返唔少! 出左閘都係凌晨5點10分到~
今次我好HIGH 多得朋友M小姐我地可以員工價住洲際酒店呀~
不過佢向江南果面機場巴6點先有車!
上左第一班車係豪華巴~ 15000WON一個 由於太早~ 1小時就去到!
車站行一陣就去到酒店~個天仲係好黑咖...咁早當然只可寄存行李啦!

 

 凌晨機咁早到~ 放低野最好就去 汗蒸幕 揀左去新龍山既 DRAGON HILL SPA~

向地鐵站先同各朋友買張 T-MONEY 自己就增值...第一張銀紙好好彩食左但無增到值...
叫左人來攪左一輪先肯比返錢我地增值...10000WON咖!

出左地鐵站天光啦~ 由於未曾來過都花左少許時間搵...行過左龍都唔知!

行左入前面張相先會見到上面個竹路仔...遠遠真係見唔到...入場費每人12000WON
兩位女士朋友都係第一次來當然有少位唔習慣,,,不過呢D自己適應啦~ 我去沖亮浸浴先啦!

呢間汗蒸幕都幾出名的~ 佢仲整左D龍登比人影下相~ 浸完浴出下汗個人真係病都好左好多!

向飛機都無食野~ 個人真係餓~ 食左個餃子年糕湯~ 多到食唔晒! 7000WON
向入面大家都訓到點幾兩點先集合返~ 太舒服啦!!!

下午三點幾我地返到酒店羅房啦!

員工價只係六百幾一晚，真係勁抵呀!!! 咁大個女都無咩機會住5星啦! 嘿!

平時收千幾二千都係呢D房~ 先有個廳仔~入到去再一次好抵呀!!!

WELCOME DRINK~ 仲有手寫WELCOME LETTER~

生果盤都有呢...

一人一張唔駛爭~ 床就當然好舒服啦!

5星一定有我最喜歡既浴缸!!! GOOD!

5點幾既時侯出到明洞啦~ GRAND SALE 唔覺有平LAW...12月去個時平得仲多...呃人...

呀RAIN 間店呀~ 成日派 MASK咖

第一站就想去食 明洞餃子~ YEAH 新年休息兩日唔開~

無得食明洞餃子唔緊要~ 同一條街就有 鳳鶵 食安東蒸雞啦~

呢盤係4人份量~ 大家中意辣都話好食!!! 最緊要4個人都係 27000WON~
一路一食一路辣~ 爽呀~ 病都快D好!!!

OH~ 我朋友呀~ 李勝基!!!

今日係年初一明洞好多街邊檔都有開~ 想新年去既朋友唔駛擔心無街行!

食飽飽...時間尚早當然要同佢地上南山啦~ 纜車錢一定要比啦~ @7500來回

今次南山塔由頭到尾都係白色無變過~ 3位第一次來既朋友唔好彩啦!

WOW~ 之前來都唔覺有鎖仔樹咖...真係多得緊要...

南山塔熊仔換左冬裝WOW~...不過就仲係聖誕裝就...

冬天既首爾當然凍啦~ 大家都無意思上塔，自由活動大半小時集合返落山啦!

 

  花樣男子~

返到落明洞當然行街啦~ 行得街多又要食下小食~ 食返個炒年糕先 3000WON~

M 小姐話聖誕過左咁耐都仲唔拆D燈飾好黑人憎WOW~ 哈哈

GREEN TEA LATTE~ 3000WON~ 好味!!!

DAY 1 係咁以...戰利品
第一日大家唔好去咁盡不過都成10點半先離開明洞