燒肉孫三郎~ 日本前預習!

我其實都唔知有呢間孫三郎...係個朋友毒害我去左食...點解毒害?  因為都唔平咖...

樓下有COUPON羅...可以四選一...有牛舌、豚卜口、自家製豆腐沙律、仲有個忘記了!
牛舌唔會因為送既就細塊D~ 實物真係好大塊下! 好味道!最緊要係 FREE!!!

因為向出面食過D SET都唔覺大所以加左個五花腩~
 豬肉經腌過就食唔到豬肉味~ 不過燒完就幾"'野"味 $78~ 可以一試!

主菜到啦!!! 價值 $580既牛肉SET 一來到比上面一大塊黑樺牛嚇親~ 250G原來都幾大塊!!!

$580 包4種和牛分量算多同幾經濟...下面最常食都睇得出唔係咁肥味~
想食一口油入口似溶就可能要叫$800 同 $780個SET 了~
不過呢個價錢~ 呢個質數我就完全收貨!

黑樺牛一定係最肥美~ カルビ比另外兩隻多D油脂就較淋身，
另外兩隻我覺得有D似食緊韓牛~ 因為有咬口

食晒D肉我同朋友都十分滿足!!! 因為咁多肉真係好 '流'

不過唯一覺得個白飯真係幾貴下$25一碗，唔係大飯碗...只係一細碗...
最平既飲品係細支裝汽水...盛為$25 ...
呢餐二人合共食左 $778...加一都加左$77...我比較孤寒比左2蚊貼士咋~
中意食燒肉又未食過孫三郎可以去試下啦!!!

三月我又去日本啦~ 希望會食到又平又正既和牛啦!!!