亞馬交餐廳 Estb de Comidas Amagao

又係繼續食~ 咁耐無去澳門上次去左食山度士今次又去食葡菜~
揀揀揀~ 揀左間個個都話book 左位先好去既 亞馬交餐廳~ 佢個電話響極無人聽
終於聽就話 full~ 想食就試下8點去睇下有無位啦~

 威斯汀有接送出氹仔市區~ 但係向格蘭到落~
都好慳返幾十的士~ 況且又有google 唔會唔識路~

多得GOOGLE MAP 好易搵到~ 其實都係向平時最多人既街不過向水蟹粥轉入去~

唔好以為無人, 係食完補影,全店就係得24個位

我8點去到~ 見仲有兩6個位~ 幾開心呀~ 點不知佢話係有人訂左~
但15分鐘唔來就可以比我地~
咁有時間另外三位小姐去行下啦~ 我就好用心咁向到等等等!!!

炸馬介休球 $210 本來係無打算食~ 不過留台又無來既人留左馬介休~ 算啦同佢食左佢~
其實我係想試忌廉焗馬介休~ 不過呢個馬介休真係ok~
平時食到既馬介休真係食唔到馬介休味~
 
呢個貴價馬介休入面真係有超多馬介休~ 整開埋比你睇~
佢其實可以叫半份~ 我真係太好人~ 問都無問價錢就幫佢頂左...

葡式炒蜆~ 佢豬肉炒蜆都好出名~ 可惜係豬肉炒晒...得返蜆...我都係第一次聽~
味道酸酸咸咸~ 都幾好味~ 份量都ok 大! 一兩隻有沙都接受到...

砵酒牛尾 ~  上台時都有驚喜~ 因為牛尾勁大舊~ 由大至細~ 好似一條牛尾咁~
牛尾燜得好腍~ 又入味~ 個汁我真係好中意咖~~ 仲有大大舊甜薯~ wow~~

出場啦~ 不可不叫即返烤既麵包~ 大大個脆卜卜~

最後上場~ 葡國雞 (1/2隻) $130
份量勁大~ 明明半隻雞但就大大碟~ 上台熱到滾~ 超正!!! 上面幾塊蛋焗完變左煙UN~
雞件真係幾滑~ 又有甜薯~ 大大舊又甜又腍~ 個葡汁似細個呀媽煮既咖哩~ 不過佢依家煮唔係呢隻味~
個汁用來點麵包真係好好味呀~ 仲有牛尾個汁~ 點呀~ 我飽咖啦!

跟台有支大大既水 $20~ 呢餐食到飽一飽都係 $532 唔貴啦~ 4個人呀~