DAY 4-東京伊豆賞櫻溫泉樂 12年3月4日

我地間房出面

我無記錯我好似係六點幾就起左身去浸溫泉~ 8點前就去左食早餐~

早餐都係好普遍~ 放好晒向台了~ 你坐低就夾條魚比你~

呢間溫泉向下賀茂溫泉算平啦~ ¥9650 /位
 因為住個日其他都係萬五YEN 起跳...張就下啦!

平得來最緊要佢又真係幾近睇櫻花地方~

紅葉~ 紅色既葉

又見到水仙

10點要走~ 我要好好把握時間再影過!!!~ 日光日白的櫻花~ SO PINK!!
 

THANK YOU 南伊豆町

最緊要影到呢D彎位~

 
POSTER 都係呢個位一

唔駛技術~ 景靚就OK!!! 10個靚!!!

時間許可我真係會行晒佢

今日都多雲~ 呢張出左小小藍天都好!

行前D 有足湯

仲有手湯

有個市集仔啦~櫻花期間先有

ＷＯＷ～　我想飲　ＷＯＷ～

入到去就搵士多啤梨汁~ 咁多蔬果搵真咖啦!

最後買左一盒~ ¥600 /9粒 ><

行返轉頭終於見到果兩位呀嬸出左來影相

影埋呢張走得啦~ 我當我睇到河津櫻啦~ 嘿

真咖~ 插得幾靚

走難~ 一袋二袋~ 等上車

因為巴士車費太貴啦~ 所以我地乖乖十點就坐旅館車出返去! 

本來係打算向下田行下~ 不過兩位嬸嬸聽到要行興趣缺乏啦~

呢個時候上去都無咩好睇啦~

向車站搵到印仔啦~

 

張紙係南伊豆櫻花專用~ 可惜時間唔夠唔係我行晒D橋!!!

先去取票先~ 11:22 係快車~

 大把時間行下手信店先

揀左坐呢架又新又大又舒服既 スーパービュー踊り子号

佢地好甜呀!!! 呀mum終於向日本食到甜既士多啤梨!!!

走啦~ 天氣嘛嘛都ok啦

好大浪呀

周圍都係溫泉!!!

再見啦伊豆海!!!
返到上野就去酒店睇睇有無房羅~ 點幾鐘太早唔比~ 唔緊要放低晒行李再出去

向上野車站見到就食

自助買票~ 買左兩碗~一咖哩烏冬 ¥460 鴨烏冬¥430

兩位嬸嬸share 佢地細食d~ 哈

我就一個食~
今日個pass 仲用得咖~ 就搭快車去左橫濱~ 呀mum未去過
向橫濱車站行左陣百貨公司先

始終都係要比錢搭地鐵...

我都未來過~

 中華街真係好多日本人

 
我地真係行咖咋...

d 飽點我媽見到個價錢就唔肯食...

唔緊要啦~ 周圍行下叫做來過~ 哈哈

又係呢d外國建築

行到去海邊~ 凍呀~~~~~~~~

遠遠見到紅磚屋

兩位嬸嬸懶得行過去

行去魔天輪附近搵地鐵

向超市 shopping 下

wow....幾多卡路里???

try try 佢先!!!

 

要左綠茶味 ¥170~ 唔係好甜, 綠茶味濃! 可以脆d就更好!

 

同地標影返兩張啦!!!

離開橫濱我地就搭返車去品川食晚飯~

 くら寿司 100yen 壽司呀~

想食...努力等位啦!!!

本地人可以網上排位先咖!!! 但經 wifi 唔比book!!! shit!!!

 

 等左半粒鐘得啦~~~ 仲係好舒服既卡位~ good!

 呢到d壽司帶四通八達~

呢到最特別係有大獎抽~

香港仲未有既自動食碟器

食啦~ 開始啦~ 碟碟¥100~ 白穴子~ 堅平!!! 好味道!!

 ¥100 蟹棒!!!

海謄都係¥100 份量係可以按受啦!!!

我中獎啦!!! 一次攝5假碟就可以抽啦~ 禮物係壽司電話繩~ 哈

除左壽司仲有細細碟既焗意粉~ 味道都好味咖~

雖然佢地都係¥100~ 我都會食佢地

¥100 既貝類都可以好味過 HK 廿幾蚊個D~ 食到係有貝類既甜味同好爽~ 要食呀

部機都好易用咖，最緊要係有得揀唔要WASABI~
對我來講好緊要!!!¥ 100YEN 生蝦真係抵到爆

¥100 帶子就比人CUT 開左啦~ 不過都幾甜~ OK!

我好中意食~~ good good

¥100 海謄 AGAIN~
其實仲有其他~ 不過我都係影自己食過d~
三個人最終埋單只係 ¥2572 係食到好飽啦...向香港二百幾兩位我都唔得...
去到日本一定要食呀!!! 超平!!!

食飽飽就行返車站坐車返上野

先頭向橫濱買

係都要入便利店行過圈...

搬齊行裝返上房~ 當然都係住返 キューブホテル 上野
今日未亂...影下間房~ 都係兩間房變做一間房比家庭住~

我訓單人床~ 另外一間係大床房

兩間房都有咖~ 洗面係向房到~ 同之前一樣