DAY 4B-檳城食同嘆三人行12年7月1日

行完2個景點就要去食午餐啦~ 午餐只係向極樂寺同升旗山下面

係比較地道既 foodcourt , 司機食到怕就向出面等我地

清潔環境普通啦...快快手食完走都ok

我話左要食亞參喇沙~ 司機話呢檔好好食咖

左面係咖哩麵即係新加坡喇沙RM3.3~   右面係我好掛住既亞參喇沙RM3.5
佢地真係又平又好味!!! ENCORE 多碗亞參喇沙RM3.5

 唔太凍既椰青~  解辣解熱~ 雜冰 兩樣加埋RM6

出面仲有生果檔 呀媽係咁話 D紅先丹好新鮮呀~~ 我就話買羅~買羅~...買左一大包RM7
食飽飽我地就返酒店~ 返去嘆下酒店~ BOOK 左 兩晚貴D唔好浪費!!!

CHECK IN 時有雪糕食~ 佢忘記比我...但我當然要提佢比我啦 !!!

馬拉咁熱食左涼下都好!!!

房就一定唔夠澳門個D靚~ 但好闊落~ 各樣都唔錯

有張闊梳化可以攤抖下

該有既野都有~

仲有一個工作專區

我地3個人~ 比錢加埋床~ 包早~ 呀媽做妹仔自己訓一角~ 哈哈

出面係無極海景~ 不過濛左少少加上水淺啦~ 哈

房間玩完就落樓下游水啦~ 專登分開早上4小時行景點~ 之後玩下水先再出去4小時~

超大呀~ 攤向到都幾OK咖!!!

個游泳池雖然唔係無敵大海景但都幾大下~ LIKE呀~

另外位嬸嬸幾開心~ 因為無太陽~ 比其他酒店遮住左
玩左一粒鐘就梳洗好等司機來按我地~ 未夠鐘就去隔離行下

有個市集仔行下~ 側邊個商場都好大下~ 仲有超市~

澳洲個雞呀!!! 好想好想食...但可惜人人都好飽!!!

之後司機好準時來左接我地~ 提議車我地去食榴槤...

我先頭係無打算去...因車程都遠咖...但呀媽話一場來到就去下啦

酒店附近

大概45分鐘車程去到好多人去過既寶成園~

都幾多車泊左向到

 一去到佢就同我地講無榴槤...唔係呀話...咁大個山頭都無...
之後司機講多幾下叫佢睇真D又話有

 

佢話呢幾日D 香港人食晒D榴槤~ 個個都假期去嘛~
不過向無咩揀下都揀左3個唔理好醜一場來到幾大都一人一個啦!!!

開晒出來幾開心~ 呢到係有3款...邊3款...咩都唔記得晒啦...
但就一定無貓山王...唔緊要我怕苦~無都OK

一輪狂風掃落葉下...食晒...好滿足~ 不過我覺得唔係話勁好食~ 只係好食
3隻野價位都唔平 合共 RM135~ 當然點計都平過HK 好多好多
但昨晚食個隻仲抵仲岩我口味~ 不過學呀媽話一場來到就來試下啦!!!

司機拍心口保證佢D榴槤膏唔係溝粉~ RM10條~ 要多都無 最後5條~
食飽飽就影下榴槤先走啦!

雖然話佢地多數晚上先跌落地~ 一定都要用網檔一檔

 見唔見到榴槤呀

呢到都有好多呀~ 睇完就走啦

 有個超大既水庫

之後停左向個海村一陣

似唔似西貢?

白泥?

次後坐車返到市區食晚餐啦~

今晚食娘惹茶~ 本來無打算食因為好似都同中菜差不多~ 不過司機介紹~ 嬸嬸又想試下~ 就試試啦~

時間尚早未有人~ 不過食食下就多人啦

幾靚既餐具~難得呀媽話要試下~ 荳蔻水~

馬拉式豬腳姜~ 比平時酸D

茄子肉鬆

司機介紹既炸雞...只係炸...簡單左D 喎~ 同咸左D~

又係司機介紹鴨湯~ 正常~ 幾好

酸辣魚~ 我叫的~ 好味

最好食呢個~ 酸子大蝦~~ D汁好好味!!!

最後叫左個摩摩喳喳~ 就係椰汁蕃薯加芋頭 @.@  真係&*()#^#%$@
今餐食左 RM202 差不多可以食兩餐海鮮~ 不過試一次都OK啦~

晚上既門口

餐廳對面~

經過地標落車影張相

 返到酒店同司機BYE BYE~ 我地就去商場行下~ 行左陣超市~就去搵我想食既甜品~ 鮮芋仙~
我係向酒店 CHECK IN FACEBOOK 時發現~ 幾開心呀~

比完錢等震就得~ RM9.5 羅返酒店慢慢食~

叫錯左...叫左個仙草底...不過有齊芋丸,芋頭,蕃薯,珍珠都ok~
食飽飽~ 洗白白睇下電視~ 上下網~ 幾開心