好順利咁向 Taormina 坐車去到 Catania airport
前日到達 CATANIA 出市區都係向呢到搭車
我地唔係搭飛機~ 係搭巴士~ 不過仲有時間就向機場入面坐下先~
我出去買好飛先 €13 位CATANIA > AGRIGENTO
CATANIA 機場入面有好幾個女人成日問人羅錢...我都係第一次向意大利見到...
我諗佢地應該就係我未見過既吉卜賽人... 有D仲專問呀叔呀伯羅錢...
有個家庭仲恐怖一家大細都係向機場搵食...老公老婆同 BB...
我諗佢地應該就係我未見過既吉卜賽人... 有D仲專問呀叔呀伯羅錢...
有個家庭仲恐怖一家大細都係向機場搵食...老公老婆同 BB...
今次搭呢間巴士公司...架巴士係雙層巴士 ...放行李個位高過我胸口....低能...
睇定明天架車
好順利去到AGRIGENTO...但說好會接我的人...無呀...雨濕濕下等左一陣都無人
好順利去到AGRIGENTO...但說好會接我的人...無呀...雨濕濕下等左一陣都無人
之後打去民宿...一大串意大利文...攪唔掂...好似聽到個5MIN字眼咁我地又繼續等啦
再等多廿分鐘唔對路...好彩搵到個識英文既意男幫我地同屋主講電話先來接我地...
原來一路同我聯絡係屋主個女...佢呢幾日去左第2度...屋主夫婦係唔識英文...
不過佢地真係好熱情...去到民宿開住電腦用 GOOGLE翻譯溝通~正呀
女主人仲車左我地去神廟谷 Valle dei Templi參觀~ 我地係住向山頂...
中間仲打左比佢個女同我講野~講好1700PM 來接我地走...
中間仲打左比佢個女同我講野~講好1700PM 來接我地走...
無諗過呢到有咁多櫻花
雖然唔係全開~ 但都夠驚喜~
某D都滿開咖~
唔知係唔係日本送呢?
所以呢到有好多希臘建築~後來因為戰亂好多都被破壞~依家剩返幾個遺跡
佢一定知我今年無得去日本比我睇定櫻花先~
行到去最遠啦
建於公元前470年喬諾尼神殿(Tempio di Giunone)
康科廸亞神殿 (Tempio della Concordia) 建於公元前450年
34根多里斯式圓柱仍完整如初係西西里保存得最完整遺跡
真係靚呢~
唔同角度可以差好遠
艾爾科雷神殿 (Tempio di Ercole)建於公元前520年 係Agrigento最古老多里斯式神殿
個天成日變來變去
其他碎遺跡
最後佢都有來接我地...不過已經起碼係再半小時後既事...
兩位嬸嬸大床
我的小床~
隨便用~ 但無熱水煲羅...要用鋼煲來煲水...
幾靚~ 當然要用下啦~ 煲左D 熱水服侍兩位阿嬸食藥
屋主咩都話 FREE 咖~ 哈哈
有人請你都唔好食...酸到爆!!!
雪櫃野食隨便食...我地就唔客氣一人一杯啦
之後就去屋主介紹D餐廳食飯~ 我地住山頂~ 食飯就不停向下落~
佢應該都係最近既一間餐廳~ 都可能落左一半山~ 哈哈
間餐廳都算好大~ 計埋我地都係3台客~ 冬天都應該係靜D
今餐好多野食唔食你啦~
炸水牛芝士~ 見佢唔貴~ 脆卜卜~ 煙煙UN UN~
意色炸尤魚~ 新鮮唔UN~ 粉唔厚~ 又唔會油淋淋~ 唔錯 ~ 幾大碟咖
呢個海鮮闊條麵有D驚喜~ 係咖哩忌薕汁~ 幾好食WOW~ 粉量都唔少咖
我叫比自己食~ 燒牛扒~ 無汁咖...有肉味~ 唔細~ 我同 呀MUM 食
燒紅蝦~ 都算大隻~ 好味道~
見隔離食魚我地又食~ 後加~ 佢地D肉都係比較淋身... 唔同我地食開個D
唔係講笑...真係平!!! 今晚食咁多野先 €54...同禁晚比差幾遠~ 主人果然無介紹錯~ NICE!!!
食飽飽差D唔識路返去...無 GPS 都唔知點算~ 周圍都真係幾黑咖~
見到佢就行岩啦~ 到啦~ GOODNIGHT!!!
沒有留言:
張貼留言