DAY6B-北歐之旅 2014年4月23日

D歐洲人可能放完假啦~ 今日機場出市區架巴士超多人~ €5 出市區

呢到起橋好型羅...成條橋用木板木條起好先...

4點幾我地又返到去赫爾辛基市區啦~

火車站對面轉9號輕鐵去郵輪碼頭~

一落車就係一個電腦商場~

嘩~ 仲見到架好大好大既郵輪~

赫爾辛基有成3個碼頭~ 千奇唔好去錯呀~ 我先去禁上網買好船票出來 €148/4位

我地成1930船~ 因就返落船碼頭~同唔敢買早D...我真係唔知飛機準唔準時~

碼頭有間小CAFE~ D野食都唔平...我就去返之前個電腦商場買SUBWAY

連埋支水成€10.6...都真係幾唔平~ 不過都幾好食!

北歐D水樽可以退錢咖...但我地都無退過 @.@

大家都有行李所以都無出去行啦~ 向碼頭坐下～　等下時間過啦！

終於等到可以上船啦~ 行行行都行幾多路咖！

我地架船某一角！愛沙尼亞我地來啦！

上船我地比錢寄放好行李~ 放便周圍走　€2 X 4個行李

放完就上到最高層睇下啦~

 第一次向歐洲坐郵輪呢~ 雖然只係坐2個鐘到~ 哈

冬天呢D位一定無人坐啦！未凍過咩！！！

船上有餐廳～　如果太夜先到塔林一定要食飽先好落船！！！碼頭附近係無野食！！！

小小兒童區～　我地幾個大鄉里先頭都唔知坐邊好～　
原來全船有位就坐得啦～　你中意坐邊到都好．．．

呢Ｄ會議室就梗係唔坐得啦～

好啦～全船最有興趣一定係超市～　當然要行一行啦～

入面Ｄ朱古力真係超多．．．都唔知買邊隻好．．．

最後我地搵左個海景位坐左個幾鐘啦～順手中下眼訓 ^^

落船係21.46分~ 個天係出晚霞~ 嘩~ 巧靚呀~

遠遠仲有個魔天輪

今晚酒店就向碼頭對面~ 真係好方便~ 我要左家庭房即係比左兩間互通房€94.5/晚包早

我無記錯我地間房係 229同230~

晚上十點幾酒店周圍都無野食...行到去個油站見有個便利店就買啦~

加埋€4.28 支水左揀右揀都係揀錯!!! 揀左支有氣 ><

向郵輪上買€3.2 x 2 超大排!!!

本來好想去影夜景...但怕咁夜行到去黑嘛嘛無野影...事關都要行得幾遠下...

算啦~乖乖地睡明天早d起身啦!