DAY1A-九州之旅升級自駕遊 2015年12月1日

我成日都話唔坐廉航！ 但係佢哋又真係好平！ 又一次坐香港快運！

廉價航空梗係要自己行上飛機啦

今次天氣唔錯架飛機都冇乜搖來搖去

今次係第三次來福岡

國際線一定要坐巴士去返國內線~ 地鐵同埋租車公司都係響晒國內線!

我睇過地圖國內線行去車公司都唔係太遠~ 費事叫車公司接我地啦!

 第一次攞車第一次揸車比較緊張！所以都冇乜影相～ JALAN 最平係佢~ 不過無ETC 借

 7日用車¥ 37000包免責保~ 去到應該係加左個安心保 合共¥42292~ 是但啦 最緊要安全~ 加啦!

簽名碌卡！俾唔到我想要嘅車！俾咗架望落好大嘅私家車！行過圈睇吓架車 ！

  叫佢教左我一次GPS跟住佢就叫我開車走啦！但我發現咗一個問題架車竟然係無手制...

 我嘅揸車歷史只係上堂嘅時候...可能搞咗一輪佢都見我做咩仲未開車有個阿叔過嚟~

我就話hand brake?hand brake? 原來架車係冇手制只有腳brake...係用腳踩 brake...

 

加返張行車唔線~ 今日係第1次自己1個揸車~ 短短地行百幾公里先啦~

之後就胡里胡塗跟 GPS行啦! 仲上左第一次高速...人手比左高速費 ¥720

一影就已經係第一個目的地！ 即時 影左張相比學車呀 SIR~ HAHA
我呢D新手叫車公司點左個心心~ 免費的 車前車後都有~

順利去到第一個目的地就係去食燒蠔~ 唐泊恵比須かき小屋

順利到達已經夠開心重要即時有得食！

冬天先有蠔食架 鍾意食乜嘢自己買啦～

仲有其他嘢

我哋要咗１ＫＧ蠔～兩隻大扇貝～ 兩隻大蜆！ 呢度加埋2800円包埋炭同開蠔刀～

我地剛好燒兩隻蠔都識自己彈開～ 其他嗰啲我哋一直等！ 點不知係唔識彈開～真係要自己開！

扇貝好大隻架～　大蜆都好好味！

呢度啲車位完全唔需要擔心～隨便泊！ 其實只需要揸入個格仔度～

食飽飽影埋相就開車上路啦～

下一個目的地其實都好近　二見ヶ浦

其實都係唔使點技術泊車～冇乜人

不過呀sir叫我唔好掉轉架車泊～　我好乖車頭向前泊！

行過對面就係

呢到睇日落聖地～　不過日光日白都好靚下呀～

食蠔加觀光～　總算完成左一半～

去完呢到都已經１５點半有多～　本來係想去埋唐津城～　但見去今晚住宿地方　

ＧＰＳ話要成 ２個幾鐘嚇到我拿拿聲開車走啦～　夜晚黑嘛嘛唔好啦～

 

４點已準備日落啦～　

  

我唔想比高速費～　所以係行國道～　哈哈

 

無街燈咖～　所以要快Ｄ到目的地　^_^
開到呢D無人無車既地方個人都唔緊張~ 我媽緊張D羅~ HAHAHA
P.S. 好長D相係我媽影~ 我要揸車嘛