DAY 1B 仁川松島自駕遊 2016年9月9日

第二個景點Home plus 入面有一層有好幾間餐廳我地後日睇下先知

B1係超市

好平喎！好想買！好大個架！

但見到桃又即刻比佢吸引左過去！我有選擇困難症！

韓國西瓜又係好想買

我同我阿媽最開心都係行超級市場

好大隻番薯

我同我媽見到佢哋已經停咗響度~ 到底邊隻平啲？到底邊隻係貴呢？

最後研究到左邊金黃色番薯係貴啲！右邊紅皮番薯係平啲！

咁以我阿媽嘅性格一定係買咗平嘅先囉

10人又有 IH 佢算唔貴！

佢哋真係好靚啊！我哋會一齊食晒佢！

我同阿媽嘅戰利品

行完超市放C小姐行多陣街！我地都冇買到餸返去煮！因為覺得啲韓牛好貴！

三點半我地就去airbnb訂間屋~ 停車場入大廈個自動門開左！
我地好順利可以直接禁密碼入屋! So good！

呢間屋算係響邊皮架啦！不過我哋揸車就冇所謂啦！窗外風景都好唔錯！ 其實佢都係響地鐵站隔離係好方便! 揀佢係因為佢有三間房~ 三房一廳！去到仲發現有兩個洗手間！good!

C小姐間房

我霸左風景最靚嗰間房^^

C小姐剛買 痴左啲飲

其實今日係好天架但係唔知點解松島周圍都有煙霧咁

我間房對住松島中央公園  遠遠已經見到 Tri bowl

我媽響我睇野影相期間已經蒸左兩舊蕃薯試味！ 同鹿兒島啲番薯差唔多！好甜！
我媽已經密謀緊走嘅時候要再買！

今日行高速6200won 抵比！夠晒快！

 

C小姐呀媽咁早就買 10500won

我地明明只係來三日三夜唔知點解仲可以瞓晏覺囉！瞓醒已經係睇夜景！

我哋屋企樓下真係好寧靜！

之後揸幾分鐘就去到樂天超市睇下買唔買到餸

齋睇唔買~ 阿媽話提子好快爛

中秋就到啦佢哋好多禮盒中

我都有睇拜托冰箱！睇金風煮餸真搞笑！

韓牛呀韓牛你地可唔可以平啲！ 

最終都係無睇岩野食！因為其實都唔餓！

之後就去埋松島中央公園，一路揸都發現啲車周街泊~泊到滿晒！
原來公園個停車場已經落閘收工！以我技術太窄既位我又唔夠膽泊！
我揸左幾次車都未拍過S位囉！ 所以都係搵d闊d先夠膽泊！

韓劇迷一定成日見到呢個場景！好多劇集都係响呢度拍過！

都好多人響公園行來行去同影下相

我是韓劇迷

呢度仲有遊船坐！晚上都仲有水上單車踩！

公園入邊仲有一群韓屋

仲有餐廳！我哋有去搵食架不過佢哋收工！

無得食

呢間係cafe 絕對係收得最夜！好多人響入面！

無得食我哋就行返去架車度

一場去到韓國仲有個咁大公園咁我就開個 Pokemon玩下啦！ 點不知原來韓國係無得玩！
 韓國googlemap搵唔到交通方法我知！ 但連pokemon都唔開放就真係唔知！

TRI-BOWL 諗住影張未對焦同對左焦

點不知到咗10點佢就熄咗燈！

應該係展覽館

最後大家都係冇食嘢！咁就去樓下便利店兜個圈啦！C小姐買左包薯片做晚餐!

  

C小姐又買多樽~ 同一樣野但唔同公司!

 

香便利店買咗個Line蜜桃茶 1000won 仲有杯同冰！抵爆！

今日戰利品

今日啲炸雞同豬手威力好強大！大家都唔係好肚餓！因為訓醒時大家都有食埋打包個!
咁食返兩個桃當晚餐！
可能未熟透係爽的冇日本咁甜！但好大個~ 都幾香！ 後來切咗個熟啲嘅就淋啲甜啲！

食飽飽沖完涼梗要坐向度睇吓電視啦！啱啱重播緊我兩套近來追緊劇集！

48吋高清下既朴寶劍真係好清楚（≧∇≦）