DAY 1A 仁川松島自駕遊 2016年9月9日

呢個韓國之旅係因為有三連休又好想去韓國所以就去咗~
機票連行李都要$19xx/位~ 朋友C小姐竟然又同我癲兩個都仲帶埋亞媽~

去程比幾十蚊揀位！落機衝出去基本上已經係第一個過關

  其實都比預期快~ 因為仲等左朋友10分鐘！

   凌晨三點鬆啲出到機場搵的士去附近apartment 訓返晚～　3850won 車錢比夠 5000won

雖然係凌晨但之前同屋主溝通好基本上搵到間房已經係入得~

家庭房兩張大床為起都係$703/晚~ 瞓幾粒我都夠精神~

九點鬆啲沖完涼吹頭有人按門鐘 屋主oppa 話車我地去機場！ 

0945車我地去機場~ 一陣間就到左! 十分感謝oppa之後我哋就去攞車啦~

韓國係我第一次全電子化攞車~ 除咗呢張紙之外! 3日用車 227600won 包埋自負額保險

朋友驚餓親阿媽買個包食先

佢哋都有啲吸引呀！

之後我哋就去停車場攞車啦～

一早冇人囉

羅車check 車全部都mark 晒向電子合約入面～ 
簽三個名～　叫位哥哥仔set埋第一站gps就開車啦！

一出機場行一陣已經係上左仁川橋高速～

我仲特登響淘寶買咗個車cam點不知架車包左！！！ 仲有埋超速快相提示！

第一次向韓國揸車～  揸高速係ok的 ～

上網啲人話捉超速捉得好嚴所以都係比較守規矩！
其實同香港去機場差唔多囉～　最低80最快都可以開到110！

20分鐘已經去到仁川松島！！！

路過

第一站咁就順利到左啦～　只不過早上10點幾！

訂車時係指定左呢架車 ～

Kia soul 近來都經常見佢響兩日一夜出鏡～

四位女士都OK～　車尾放咗個29吋同26吋行李～

停車場好大架要認住邊附近

N年前響法國食過呢間既雪糕～

第一時間睇吓啲嘢食價錢！唔係平嘅價錢！但可以接受～

可以坐上去架入錢佢會識郁！大人細路都可以！

呢都係洗手間～　我覺得好型好靚所以要影張相～

其實我唔知呢度係outlet！我初初以為係百貨公司～

我來呢度係有另一個目的

個商場有Wi-Fi同朋友仔兩母女分開咗行一陣啦～　佢鍾意買嘢睇下有冇野啱！

近來好興呢啲燈膽飲品

五味子糖漿加梳打水加冰！個燈膽可以熄咖！

我就落左B1嗰度有嘢食賣!

都幾吸引架

成千萬嘅電視

貴價蜜瓜

行下行下仲發現到有foodcourt

跟住搵到我來呢度嘅目的地！就係呢間書局

佢係近排韓劇W拍攝景點之一

間書店都幾靚架

發現目標地方

就係呢度啦

男主角姜哲就係響度發現自己係漫畫人物

我媽竟然可以響度買到個背郎！ 朋友仔都落埋黎買野～

影完買完就去搵食啦～ 人哋阿媽出發前話要食炸雞！ 自己夾按重量收錢！

每次都比韓國嘅豬手吸引左！最重要佢有得試食！好食食完就要俾錢買啦！！！

呢度就係今日嘅午餐豬手20000 Won雞13500won餃子12000won

佢最好仲要係有埋菜可以包！韓國啲豬肉真係幾好食嘅！十分之淋又入味！

兩款餃子都好大隻！泡菜餃子都真係幾辣！ 四條友豬手同雞都食唔晒打包走！

好得意呢

韓國人都幾鍾意食包！好多人買

其實我冇買嘢！我唔知呢個　outlet　啲嘢平唔平不過我知有好多名牌！

出返嚟幾多人泊滿車囉！

之後發生左樣白痴野～　其實下個目的地係Home plus 就係響呢個outlet隔離！！
但係我哋揸車兜咗個圈都搵唔到停車場～ 最搞笑我哋又係泊返outlet嘅停車場～
不過今次係拍左落B2！

咁樣我哋又到達第二個目的地再一次outlet　啦！勁低B!