DAY 5B-釜山統營大邱自駕遊-18年1月3日-釜山

 

出返市區泊架車向南浦洞樂天，因為團友話要買益力多果仁就去樂天超市買埋

(返香港見到360有時特價都好平)

 

買完野就去搵人參雞食，南浦洞有兩間比較出名，N年前食左一間，今次食另一間，
呢間我唔推薦啦，D阿朱媽好似殺左佢咁塊面黑到呢！

叫左炸雞，人參雞，我就叫左一直好想食既辣雞湯

其他無影太遠...只影自己果份，真係好滾呢

點解我想食呢...因為我睇節目真係睇左好多次都未食過！ 但我唔知其他餐廳有無咁辣...
佢真係好辣~ 超級辣！！！辣到我係要沖水先食到 😂😂😂 羅苦來辛！

之後仲有時間羅返車就去埋最後一個點景~ 釜山松島!

松島起左玻璃橋同纜車，纜車前兩日搭左~ 唔搭咖啦，向到行下啦～

多謝個天啦～基本上日日都藍天

唔搭佢～睇下都好既

好多海鷗飛來飛去

所謂玻璃道其實得好少，釜山仲有另一個玻璃道，我記得個條就真係好似一大段係全玻璃

悠悠閒閒假期咁又完結

  韓國人龍即係人魚？

 

龜橋

 

4點幾行完就車團朋返酒店，我自己去還車啦~

釜山自駕都唔錯，不過好多時景點、旺區泊車要比買路錢咁...明明應該係公眾地方...
不過都要比咖啦...唔貴既

順利還車之後，羅張牛肉乾比佢睇😂 。佢話比現金佢就得啦～ 真係有8折 32000won!
每人三十幾港幣都抵既😆~  3日都只係行左5百幾公里~

黃昏路上

搭地鐵返酒店 有4位團友已經分兩架車的士去機場

因為訂車佢要早三小時去機場...太早啦⋯⋯自己打的都唔貴，我媽就當然要等埋我啦

今次大韓好嚴羅，一人一件23kg行李， 佢真係揸得好緊！團友夫婦買左一箱佢差d唔比佢寄...

7點幾向機場已經整好晒，釜山機場真係無野行...

因為有位團友今日成日都唔太舒服~ 先咁早去機場

去到機場無咩做就係去便利店行啦，未食過益力多沙冰，順手食埋 1500won

我應該向飛機訓左，連飛機餐都無食...

西柚燒酒沙冰，今次有寄艙可以買，本來係送比人...但今時今日都好似未搵過出來

韓國翠玉瓜如果買到甜~ 係真係甜過香港好多

還完車自己返酒店時行左兩間便利店買～