去到曼谷未夠十點就攞到行李~ 算快架啦
其實我都係第一次一個人去曼谷~ 平時2個人出市區一定搭的士或者包車
今次快閃比較慳~ 買咗張HKD$10嘅機場鐵路同明天一天任搭 BTS車票 HKD$29
行去搭車途中就可以換埋好方便
十點幾就出到市區啦~ 響度要轉BTS
其實我5月都去咗一次快閃~ 仲有散紙買車票!
因為今次要平所以住遠左少少⋯⋯住向 PHRA KHANONG
出 BTS 就有間 TOPS 小超市。入去行個圈!
其實我成日都想買蜜瓜味⋯⋯不過最後都無買
比想像中遠呀果 3-4百米~ 去到酒店即時涼晒 !
住24樓
新裝~ 冷氣夠晒涼唔錯!
有泳池但無浴袍就差D,洗手間無牙膏牙刷浴帽,好彩我一向自備!只得沖涼液同洗頭水
樓下行前DD有 FAMILY MART 同 7-11
話說我上個月先知 7-11係有飛碟機即時同你整飛碟⋯岩啦⋯唔去食海鮮~ 食你啦!
加埋139B CP雲吞一樣咁多年都未食過⋯⋯順手食埋
酒店咁涼梗係整好哂返酒店食啦~
五月時我係買咗幾包飛碟返香港 ⋯就係奇怪點解係兩塊麵夾住料⋯唔係夾好左既飛碟
真係勁白痴囉~ 終於食到熱辣辣嘅飛碟!呢個沙爹豬肉飛碟真系幾好味!
CP 雲吞有五大粒~ 幾大粒同幾好食!雲吞無香港咁咸係啲湯咸~ 啲蝦真係好爽好味!
食飽沖完涼睇下電視!上下網~ 晚咁就第一晚~
沒有留言:
張貼留言