我無記錯我地應該6點前就去到酒店～ 大家向房休息左一大輪7點有多先3個女人揸車出去～
人地老公又話要留向房溫書⋯⋯叫老婆買野比佢食！
去到浦項我係一心食蟹⋯點不知人地老公無出來⋯人地老婆唔食得海鮮⋯打亂左我陣腳
睇下先⋯唯有明天等埋人老公先食！
竹島市場～ 成條食蟹街，24小時！
發現C小姐偷拍我！我唔係大肚呀，件綿褸闊咋😂
好想食羅！！！
之後揸車去左迎日台⋯近海真係有點凍！對面係 POSCO浦項製鋼廠，為左美化環境加埋燈
迎日台睇兩日一夜一定睇過～ 所以來到又係好開心～
仲整埋燈飾賀一賀
迎日臺영일대 一定要上去睇睇啦
POSCO浦項製鋼廠佢係會不停轉顏色的
明天2019年1月1日會有好多人去呢附近睇日出，當然唔會係我啦！
呢個亭應該係 2012年先起好，唔係古代建築來！
韓國好多時都有美食車
仲有人唱歌～不過係岩 呀豬媽聽果D～
仲有個小燈飾公園
去浦項晚上最重要既夜景都睇左～ 咁又到晚餐時候！
呢附近都係食海鮮魚生為主！C小姐出發前有甲抗⋯⋯所以唔食得海鮮⋯⋯
最後好難得搵到一檔燒肉⋯⋯就你啦！！！
睇公仔就知只得豬⋯⋯周圍都食海鮮⋯⋯點解唔順手賣埋海鮮比我燒下呢
無得揀 3人份五花腩！
呀豬媽話泡菜係咁用！
幾吸睛～
叫飯就送埋湯～
努力食呀！
3個大食妹仲叫多左兩份豬肉😁😁😁
幾勁！食晒～ 56000WON埋單！
食飽飽個人超級凍！ 快D羅車去買野比人老公食！怕佢餓死左！
呢到係浦項最旺既街⋯當然唔係咁夜啦！我地搵左橋村炸雞打算買⋯⋯點不知佢話要1小時
即係唔駛食啦，之後就去便利店買便當比人地老公！
11點鬆D先返酒店～ 酒店門口比人泊晒～ 不過唔緊要啦⋯呢到咁遠應該唔會有人抄牌😆
我同 F小姐無無聊聊出去行左3間便利店😂
最後仲每人買左枝雪條食2000WON⋯⋯痴線！
F小姐返房繼續啤酒加零食～ 渡過2018年12月31日～
沒有留言:
張貼留言