好啦，上年快運新開沖繩宮古島航線～ 我就買左 $911來回/位～
去 LOUNGE 食返個早午餐先
今次旅程有新體驗，就係出發前比人取消左住宿！因為宮古島剛打完大風無水無電
我訂間 RESORT 可能規模細，無得自己發電，出發前取消左我BOOKING⋯⋯
我已經睇下仲有邊間訂得，訂完去到機場又被人取消左⋯⋯唔通我地要返街
上機前我地都仲未搵到住宿，咁我就問左3位女士佢地住嘅地方有無問題，
佢地話佢地OK，住宿到仲話一陣見，咁我拿拿聲同佢地交換左個WHATSAPP，
麻煩佢地去到同我睇下仲有無房！之後就半擔心上飛機⋯上到飛機都仲好多人咁我地都定D！
上年去濟州又係打完大風去，今次宮古島又咁好彩⋯⋯邊到似打完風呀
之後就去取車啦～ 勁多日本同香港人！
今次向 OTS 租左架油電車～ 車費 11,840日元都算新，不過等佢洗車等左好耐⋯⋯
之後 7點出到市區我放底左兩位嬸嬸向便利店我就去搵住宿⋯⋯
其實之前都訂過兩間酒店取消左轉左 RESORT！黑仔大人果兩間都無事！！！
其中一間仲好好人同我打電話問左幾間酒店有無房⋯但當然無啦⋯
我又問左幾間都無房就返去搵返兩位嬸嬸揸車去第二到⋯
最後去埋另一間訂過間酒店問下⋯都係無房，隔離好大間酒店又係無
最後睇地圖無意向 GOOGLE MAP 見到呢間 4點幾分民宿就行過去睇下 ，入住果日下面無開燈
呀民宿男主人向廚房洗緊野，好在都聽到我呼叫⋯⋯問完佢之後話有房你都不知我真係幾開心
都無問佢幾錢我就話我住啦，轉頭返來⋯行返去人地酒店羅車同車埋兩位嬸嬸來～
ポークランチョンミート 我一直只掛住酒店⋯⋯忘記左有民宿呢樣野，
但我無電話其實都好難搵，旅客中心都收晒工，今次搵到都好好彩！
8點幾我地就順利入住啦！日本民宿我都好耐無住過，因為其實都唔平
房間全部向二樓有好幾間房，洗手間同沖涼房係共用！好處係二樓洗手間只限女士用！
房費兩晚合共 34200 無早餐，早餐要再加錢，我地有車自己出去食啦！
招呼我地入住就變左女主人，我地明天要轉房，因為本身有人訂左⋯⋯我地當然無問題啦～
房間好新好乾淨～ 終於放下心頭大石，屋主夫婦都係講日文，好彩我D半桶水日文救到命！
住宿有著落之後就去開餐啦！宮古唔係好大，間民宿其實都好近我被取消間 RESORT！
當然幾分鍾車程已經唔同世界，揸車經過果邊真係仲未有電，所以真係住唔到
民宿呢邊可能有兩間大酒店，搶修電力恢復得快啲！
好啦～ 5分鍾車程就去到 南宮古AEON～ 果到有幾間餐廳，第一時間去左燒肉到！
佢話要等 45分鐘先有位，我話無問題！我地去AEON 行下先，最緊要你有得食！
打風過後的 AEON，真係幾誇張的～
剛好遇見新放出來飯團～ 唔好講笑買返幾個先！
吉野家收工了
最後 9點4我地就可以入座啦～
嚇餐矇之後要食返餐好野定定驚！之前我已 MARK 低左要來食！
每枱都係包箱位
沖繩夢幻豬 アグー豚
好好味咖～
C嬸嬸唔食牛，但我要食～哈
都係牛
冷麵都幾好食，不過份量少D，一陣要叫多份！
再叫多碟 アグー豚啦～
雞 同 豬卜口
唔叫多碟冷麵怕大家唔飽
最後我食埋個牛潤～ 滿足晒！
3個人食左 9千幾 YEN OK LA～
之後要趕返民宿沖涼羅～ 佢有限 11點前沖涼咖～ 不過嚴唔嚴格執行我就唔知啦！
驚左大半日～意外搵到個好地方都好彩啦！早抖～
沒有留言:
張貼留言