禁晚太夜瞓～ 今朝又無食早餐～ 9點幾就去仁川中華街～
因為旅遊巴揸唔到入去中華街所以要行少少路，呢度我都未嚟過
仲要再行多陣啦
講完集合時間就自由活動~ 松月洞童話村同中華街基本中都係一齊行
行完就去返中華街行下
買杯野飲下~ 有D肚餓
咁早來都唔錯~ 無咩人
11點幾等齊人我地就去食飯啦~ 都係向中華街食
比大家感受下韓劇風味~ 一人一碗炸醬麵
仲有韓式糖醋肉~ 好味道~ 食完都真係幾飽下~
12點幾大家食飽飽就離開中華街~ 去埋最後的行程
自駕遊都去左唔小次仁川~ 今次坐車仲見到仁川站~
12點半我地就去到月尾島~ 一陣會坐船去永宗島
月尾島有個遊樂場, 韓劇真係出現過好多次
未夠鐘上船大家周圍影影相
夠鐘上船啦~ 要執齊人~ 我地唔會再返來!
再見啦仁川~
我仲未向韓國揸車落船, 但佢地有D落後...要倒車落船...多左少少難度咁
我地架旅遊巴都要倒車落船...
海鷗出動啦~ 船上岸上都有蝦條買
大家上到船有室內室外，唔怕海鷗就出來同海鷗影相
20分鐘到就去到 機場仁川永宗島~ 呢個去機場體驗都唔錯
去機場前仲有產物店要去~ 因為都係1畸幾有好多時間...呢到都留左成個鐘有多,
比大家最後努力最野! 導遊車上介紹咩...有D團友都真係好支持會買~ 哈哈
好啦~ 開心時間過得特別快, 3點幾我地就去機場啦, 導遊話我地行程太少~
早D去機場攪退稅~ 休閒D~ 我就當然無問題, 去到機場排好位, 千叮萬囑各位準時
後生DD果D就唔好買到唔搭飛機
最後導遊比埋呢個團嘅佣金我, 數目比我想像中多啦, 因為我都未收過
今個團都帶得幾開心~ 我都當左自己去玩，最緊要我覺得呢個導遊唔錯!
團友都有比 TIPS 咖
賺左錢當然要入去食下野，但呢餐係有位團友請我食，咁又呃左一餐
FOODCOURT 唔夠涼~ 食呢個岩晒~ 酸酸咪咪好味道~
數齊人~ 一陣又準備返香港羅 A380 真舒服~
飛機又食~
話說我剛先話收到唔錯佣金, 返到香港就慘啦...包團會包埋車返屋邨~~
架車行李簡直爆滿! 落車搬行李都唔少野~ 佣金原來包埋搬運費~
不過最緊要大家安安全全回家中~ 收工囉~
沒有留言:
張貼留言