DAY 1A-首爾5天旅行團帶團記-19年6月27日-領隊第一天

今次係帯團～ 唔係自己去玩～ 不過一樣都可以去貴賓室食埋嘢先～

不知不覺我都做咗12年旅行社～ 但係我都係第三次帶到飛機團～

帶到團去韓國對我來講簡直係筍啦！上到飛機仲有粥可以食～

今個團算大團來㗎！ 有成41位貴賓～ 佢地仲要住係我條邨包團

今次韓亞來回都係A380，仲有得坐 2樓！NICE～

導遊好識做～ 成團 upgrade咗去龍山寺汗蒸幕

之前茶會教團友點樣響汗蒸幕沖涼都講到口水乾～ 到最後其實都得好少人沖涼囉

我首先當然去沖個涼再瞓番個覺先啦～ 飛機都訓唔著，唔好講笑！

瞓醒就帶團友去食飯啦～ 第一餐團餐算係咁啦！咩都可以加，唔飽食到飽！

團友對今餐都滿意嘅

好啦～ 韓國果然係拉麵王國！司陪餐竟然可以自己煮公仔麵～ 以前我就一定煮返個！

近來扮健康～ 食返啲健康少少嘅嘢啦！已經好過我好多上次帶清遠團個司陪餐好多！

之後就去今日唯一一個景點，63大樓嘅水族館～

韓劇成日見～ 我都係第一次嚟！

等導遊買入場劵

就係來睇呢兩位美人魚表演囉

有冷氣涼睇吓都好嘅～

睇完就係自由活動時間各有各行～ 各有各影啦～ 

好攬笑

之後團友都已經唔見晒我走咗去睇海獅～ 仲有個人喺度講韓文介紹

有隻海獅好搞笑長期響度轉圈

睇住佢哋游水都幾開心

仲送咗張明信片俾我

其實間水族館都好細嘅啫～ 不過睇韓劇成日都見到！有得來吓都唔錯～

之後就係 DUTY  FREE 購物時間～ 自由活動一陣我哋今日行程就完結返酒店！

第一日唔好咁辛苦～ 早啲返酒店，休息吓～