第四天06年3月18日台灣大飲大食之旅

今日唔識甦!! 係領隊10點叫醒我~ 話11點半退房~
我拿拿聲~沖亮~ 執埋d行理~放好 d野就出發去玩啦~ 最後都成12點先出發~

   tw$25~ d珍珠都唔甜既!! >_<

來左4日台灣都未飲珍珠奶茶~ 即刻要買杯啦~
今日係咁多日最熱! 我又無帶短袖~ 都幾熱下~
由於要同人買去誠品買書~ 我就去左唔知邊到間誠品~  一出站見到有SOGO~ 就行左陣~ 去左佢個SUPER MARKET 到買左D手信啦~ 買完就行去誠品~ 由於唔知方向關係~問左成5-6個人先識行去...行左我成15分鐘...熱死我!!

呢個係我既LUNCH... TW$65 買左先覺得貴~ ! 味道OK啦~
由於D書唔岩我~ 同人買完書同CD就準備走LU!! 經過佢入面個商場仔行左陣文具雜貨~買左兩張名信片~準備走啦~ 見到間 馬賽克手工店~ 入去睇睇下就整埋一份~

揀好材質開始整!

 

 

整左成兩個鐘多D整好啦!! 靚靚!

行去搭捷運時好口渴~見到有菠蘿即刻買~ 勁甜!! TW$30

5點到尾返到西門町啦~ 最後沖刺啦~ 買左花支丸TW$10~
阿宗麵線TW$55~ 鴨肉扁~ 幾包黑橋牌腸仔~ 野飲~ 就返酒店等人齊啦~
一返到去就即係執晒今日D野去o急到~ 幾難先合得埋個o急!! 跟住即刻食我既野!!!
等人齊上車去機場!!

6點半齊人啦~一上車~即刻開盒鴨肉扁食啦~ 呢到係三份來咖啦~ TW$300 由於係買返HK比呀哥食...我只係食左幾舊...~ D肉唔鞋~又咸咸地~好想食晒佢咖!! 早知買多D啦~

8點去到機場啦~ 導遊去整證件時~ 見到有新東洋又入去買左少少野~啦~

8點4入到去~ 成9點7機! 要搵野行羅!! 得個幾間野~ 去左睇書...

我既行理~塞到滿晒

行到無野行就入閘等上機!

回程機唔爆咖~ 好多位剩...但唔知點解我同d團友...分得勁遠...佢地向晒機頭...我就向機中間...仲要左右都無人坐...

好心急等佢起飛就睇 harry potter 啦~ 哈

 回程飛機餐岩我食呀~ 不過得好少~ 好想問佢羅多份~但又唔好意思WOR~ 哈哈!!

第一次海外旅行完成左啦~ 去完都好開心咖~因為除左香港終於去過第二度~ HEHE