Q! 小姐飲飲食食遊記+港女自駕遊~: 第一天06年12月17日曼谷自由行之旅

17號朝早8點幾機出發~ 我就15號唔訓~ 捱到16號下午先訓~訓醒就係17號 2.00AM啦~ 哈哈!!

訓醒3點就打比朋友仔~佢返完工都唔訓...仲有成日我都唔知佢點算LU~
我沖好亮執好野就5點1落樓下等 N26~ 都未試過咁早出發~

落到去等左個幾兩個字有車啦~ 6點1就到左機場啦!
我行到去J閘口呀朋友仔剛到啦~ 我地一齊去羅機票CHECK IN 啦~

寄好行理後仲有成個鐘~我地就去食早餐啦~

第一次去台灣旅行都係食呢個~

食飽飽入左閘我地就去左睇旅遊書~ 抄低左d 泰文音~哈見差不多夠鐘就去閘口啦~

今次都要搭無人架駛列車~

我地搭既機~ 話咁快就起左飛啦~ 又係等食飛機餐時侯啦~

先來小食一包~

雖然個餐我係無咩期望!! 但你又真係會唔會小左d呢? 唔係吹水~
我真係可以一次食晒d麵羅... 好彩我食左早餐咋... 個味道ok! 勁似炸醬麵!

第一次有朋友一齊搭~話咁快就到啦~

一落機我地係要轉巴士羅...有無攪錯...新機場WOR...

行緊去入境羅~

好快就過左關啦~ 去埋個TOILET就羅埋行理去搭的士啦~
的士都幾多人排...排到差不多到啦~醒起未羅地圖~我就拿拿聲去問人啦~
搵到個information 佢同我講派晒...有無攪錯...無奈地返去排的士啦~ 排到我地啦~
由於未搭過就問how much 啦~ 佢話300baht 見差不多就廢時問meteor 啦~

好快就到左酒店...落車比錢佢話400baht... 向hk佢死梗啦...唉自己英文又唔係叻~多個一百都廢時嘈了!

去到酒店都係11點2到~未有房啦~ 咁我地放低行理時見到人地羅地圖~就羅埋啦~ 可以出發啦~ 問左個職員 bts 係邊個方向就出發啦~

我都知間酒店同bts隔幾遠下...但跟本就係太子行去油麻地...中途仲要上橋落橋~ 我死都唔會行多次~ 差不多行到chit lom bts 有個講中文既嬸嬸帶我地路...其實到左咖啦~ 不過佢咁nice~真係客氣!

上到bts好口渴即刻買杯新鮮西瓜汁飲~~ 35baht~ 勁甜~ 睇住佢整~咩都無加~ 即刻涼返d!

今日係星期日~我地第一站去左翟度翟先~ 今日唔去就無得去~搭去mo chi 站先~

好快就到左啦~ 一出站都唔駛睇地圖~跟住d人就識行lu~

我幾個frd都叫我唔好來呢到~ 話好熱~又無咩買~ 去到我都唔覺好熱~ 因我向廣州羅貨仲熱! 泰國無太陽時d風吹埋來係清涼咖~ 十分good! 向入面行左兩個幾鐘啦~ 太家都有收穫~ 唔係空手以回~ 都幾多野睇呀~

我唔記得幾錢唔係我比...本來橙色係我咖...呀朋友仔食左下紫色話係香芋唔食...咁就同佢交換左~
橙色好食d~ 但唔知咩味~ 食完我都就準備走~

經過場外市場一人買左對涼鞋~ 買完真係走啦~ 本來係想搭的士...但好多架都話唔去...
so 又要搭bts啦~ 今次我地向bts 到搭TAXI 返酒店!! 40baht 好過要我行啦~

去到酒店羅左房~入到房勁大煙味~ 以我有限既英文去叫佢換房...要聽日先有...shit! 放低野洗個白白~ 睇下野~ 就決定去唐人街食飯啦~ 大家都餓啦~

酒店出面~ 6點鐘出發去 "又話啦" 今次好快有的士啦~

去到唐人街天黑晒啦~ 好多人呀~ 又好多間野食~ 唔知食邊間好~

最後去左 T&K....唔知咩... 先頭怕叫得多過頭...點知佢D野好細碟下~ 今餐每人食左 290 BAHT~

食完出到去行~ 諗住食D人話好好食既魚旦粉...但都唔搵到...行左10分鐘決定走啦去 BIG C!
好順利上左的士同左個司機講去CHIT LOM BIG C 佢OKOK!! 好快到左我又未來過~
以為到左落左車啦~佢仲想收多我錢...跟住搵來搵去都無 BIG C 羅...TOPS就有間...
個司機車左我地去SIMON 羅...妖...有 BIG C我都算呀...又無...真係%^(*#&#&^@^@^@!
向周圍行左十分鐘又搭的士啦~