第二日 06年9月11日 第一次東京八日七夜自由行

一早六點鐘就起左身啦~ 

梗係要去浸多次溫泉啦!! 落到去我就周圍行下啦~ 我要搵下個露天溫泉!!

比我搵到佢啦~ 我向門口研究左好耐都唔知浸唔浸得~

咁我就開門入去睇下啦~ 嘩不得了~一個人都無~

其實個泉唔係好大~ 但係露天既~ 同我睇相既一模一樣~

咁我就唔理啦~ 沖好身 就去浸啦~ 哈哈!!

浸落去訓向到~ 望住個藍天! 十分good 啦~

朝早天氣涼涼地~ d水又熱WOR~ 浸住幾舒服呀!!

今次浸得比禁晚開心好多!! 學人用個木桶沐下頭~沐下身~

總算無失望到~ 有浸過露天溫泉!

仲要得我一個浸~個一刻諗到概野真係 "早起的鳥兒有蟲吃啦"

浸到熱就去沖下水又浸過~ 浸左都唔係太耐既~

就拿拿聲返上去叫michelle 落去浸啦~

其實我都想影向溫泉睇到既風景~

但上左去我又費時落去啦~無影到相呀~

上到房吹完頭~ 執埋野~ michelle 就返上來~

太早啦7點3到未有早餐食~ 向房影下出面~

好大個海

等埋michelle 7點9落去啦~ 落到去就放低行理食早餐~

嘩不得了~ 又係勁多野食既日式早餐~

    

有我好鐘意食既煎甜旦~ 又火爐燒住既魚~

又有禁日好好食既日本飯! 好難得晨早流流就食咁多飯!

平時我都係訓左無耐咋... 又係樣樣都咁好食羅!!

食到好飽~check out 後~放埋行理我地就搭jr 去小田原啦~

搭15分鐘到就到啦~  搭 jr 途中見到勁大個海羅~ 去到小田原就買箱根平日pass 啦~ 3410yen

買完等車時就決定左順時針就遊箱根啦~

因我地食飽晒食唔到篙麥麵~ 所以順時針玩完先食~

搭車去到箱根湯本~

搵巴士去元箱根港

都等左10分鐘到咖~

搭左唔知幾耐就到左啦!

一落車都 feel 到幾凍下羅~ 天陰陰! 勁多霧! 完全係唔會見到富士山咖!!!

向湖邊見到網友影過相既鳥居~同箱根神社~咁就向個附近行去啦~

一路行既時侯見到有好多天鵝船

行左10-15分鐘到~ 就到左神社門口啦~

我地向地面影下相影下其他野~ 無行上去呀...

條樓梯咁長...完全唔想行羅...哈哈!

之後我見到原來神社同鳥居係有路通住~ 咁就行落去啦~

落到去又係影下相~企左一陣就行返去搭船到啦~

一路行既時候見到有架海盜船就來到啦! 我地就行快d啦!

點知架船行得好快咖...我地唔想走船就要跑去追船羅...[追巴士都無跑得咁快...] 等埋我地呀!!

幾經辛苦上左船啦~ 都好大架下~ 上左甲板影下相影下景... 上到去望前方基本上都係白濛濛咖羅!

 唔係架船有咁多人都幾似睇金田一d 咩咩船殺人士件羅~ 哈哈!!

搭左半個鐘~ 到左啦~ 落左船要行去搭巴士去大涌谷

搭巴士好快就到啦~ 落到車唔駛講又係白濛濛啦!

周圍都係霧!好在好多人跟住人行就無問題啦!!...

我地原本係想搵有個火山礦個到先買黑旦食咖... 但實在太大霧~

搵到又睇唔到...可況都搵唔到!! 係聞到d琉璜咪咋... 之後落勁大雨羅!!

micehlle 有帶傘呀 but 太細把同太大雨了~

我地就入左d手信中心行下~試食~ 買左黑旦食啦~

雖然食落我覺得同普通旦無分別! 但都好開心咖~

食完就搵纜車去早雲山... 問左人個方向就行去啦...一路行都驚行錯路咖!!

點知係d霧太勁! 完全遮住左個纜車站羅!! 你要行到勁埋先會睇到!!

今日既天氣搭左其實都係咩都睇唔到... 但都要搭啦~山長水遠來到~真係失望啦...

見到既野就係白色同纜架... 有時好近都見到d樹既... 激死我啦..

支撐住咁多人搭既大纜!!

早雲山去強羅架車又係 cable car 我諗係太平山個d啦~ 好快就到左強羅啦!

由於我地對美術館個d無興趣就搭登山鐵路去返箱根湯本啦!

車箱入面!

途中見識到佢獨有既 z 形行車法!! 諗同計時間個d都真係好勁羅!!

完全準確咖!! 半個鐘到就返到箱根湯本啦!

一出閘就搵間山藥篙麥麵啦...但原來兩個都無帶佢個名出來羅...後來michelle 問人向邊啦...
有個好心嬸嬸比埋張地圖我地睇...行左10分鐘到就到左啦!

1100yen!

well...我就唔鐘意食羅...食左兩下就無食了...我頂唔住佢個口感!

呀 michelle 就話好食咁我就比埋佢食啦!

食完行下d手信點買左d野就返去湯河原羅行理了!

羅完行理都成5點幾啦~ 我地就搭車去新宿啦...

嘩!搭左都好耐下~我地都學埋d日本人訓左羅...

到左新宿出閘時要我地補錢...成8百幾yen... 講左一輪先明...

我買錯pass 羅...我買個pass 唔包出新宿...我就以為會包單程去新宿...

早知就直接搭去池袋啦!! 依家仲要搭山手線去池袋... 激死我了...

好快就到左池袋啦~ 都好順利搵到間酒店!

間房同睇相差不多! 都有心理準備細咖~ 都好ok!!

最緊要乾淨企理~ 睇埋個洗手間係電動個d wash toilet~哈哈!!

睇日劇都睇過~ 見到好得意呀~

之後出去搵野食啦~ 我地決定左食牧場物語 sha bu sha bu!

超薄既豬肉 同 超薄既牛肉

好味既汁!

唔知食左幾多碟羅! 今餐食左 1680yen !

食飽飽d野都收晒lu! 咁早我地就去行24小時間SUPER MARKET!!...
嘩都行幾遠咖BOR!!! 我專攻D特價野啦~

又平又大杯又好味既雪糕!  85YEN 食唔晒羅...

又買左成日睇日劇有既MELON 包! 

呢到咁多野都係夾埋 781YEN!! 十個平啦!!

沖埋亮睇左陣電視十一點到訓左LU!