第三日 06年9月12日 第一次東京8日7夜自由行

今日八點幾起身! 雨天呢...

今日買左一日pass 730 yen任搭唔嬲

我地今日book左 品川王子飯店食長腳蟹buffet~ 11.20分要去到~

咁我同michelle 10點到就去 御徒町 搵多慶屋 睇相機同睇其他野啦!

去到多慶屋到~嘩佢真係有咁多楝都係佢既...搵到我想買個部相機啦~

but 個價比去我上網查最平個間貴~咁就無買啦~ 試左機~ 行下其他野~跟住夠鐘啦要去品川啦~

11.20am 到左王子飯店啦~入到新館搵都唔駛搵就知邊到食buffet 啦! 成個大堂都係排緊隊既人羅!

排左10分鐘到啦~入得啦~ 係比左錢先咖~ 成為 2100yen呀!

入到去我就見到有燒牛肉啦! 我未見到d長腳蟹都覺得2100yen 係超值了~

向hk 九龍酒店食個$150既宵夜buffet 都無燒牛肉食啦~ 我的最愛!! good 呀!!! 太多野食!食左幾塊咋!!

第一round 食左d昆布沙律~意粉~ 三文魚~ 炒蛋呀~牛肉!

食完就開始向我d長腳蟹進攻啦!! 好大隻咖! 我都唔知食左幾多碟同幾多隻蟹腳了!! 
d蟹肉都好甜下! 又多肉~ very good!! 啦!d肉一條條入口咖羅!!

食完最值錢既野又食下其他野啦~ 食左都幾多野咖...

仲有雪糕食!!  

食到點幾真係飽到食唔落就走啦...

之後我地去左秋葉原睇我部相機...間間都勁貴羅! 行左十幾分鐘搵到上網好平個間! 
貴過網上價!但都平過其他好多下! 佢賣晒羅... 仲要訂!! 好在michelle 記得多慶屋差唔多錢~ 
咁我地又去返御徒町啦...之後好快手買左部新相機啦~ 退埋稅~行下多慶屋d化妝部~
兩個都有買野~ 買完就去新宿啦!!

去到新宿我地就分開行了! 我就行左小田急百貨先...買熟食個層d野食多到呀...好想食咖!! 
but 真係飽到完全食唔落羅! 之後行下d東急呀...行左無印啦... 0101...其他呀...但無野岩...
後來好似向jr東口附近兜來兜去咖咋~  行到成9點都好似無買過野羅...行返去jr 諗住走咖啦~ 

見揀百貨公司未收就行埋啦~ 呢到買到野wor! 行到十點幾就搭車返池袋 lu!!
今日個晚餐係無係街食到咖! 行得太多勁累! 返酒店食左禁日向super market到買d野食! 咁就一day啦~11點幾就訓左啦!

第3日既戰利品啦~

我部新相機casio ex-z700~ 搵食工具~ 34096yen 勁大個mon!