第一日 06年9月10日 第一次東京8日7夜自由行

凌晨四點先訓~ 訓到六點到啦!! 拿拿聲起身沖亮執埋dd野出門口!

今日好順利一落到巴士站就有26號啦!!

上車去到土瓜灣轉機場巴士! 等左一兩分鐘就有車啦! 簡直係奇蹟!

6:50am 上到車到啦~ 差不多八點到左機場啦~

去到 JAL COUNTER 多人到呀... 排左成9個字至一粒鐘!

無晒窗口位羅!! 過份! MICHELLE 搭西北早過我半個鐘~

我去到閘口佢都飛左LU!

上到機搵位坐~ 隔離對夫婦剛到~ 我好大膽問佢我可唔可以坐窗口位~

人地老婆好好人讓比我坐啦~ 哈哈!!

9:20AM 起飛LU! 坐好就睇下有咩食啦~ 菜單唔係好吸引羅~

牛肉飯OR炒豬肉唔知咩~ 回程菜單吸引D!! 漢堡扒!

之後揀戲睇啦... 頂! D戲唔係好岩睇羅...

第一次搭飛機去台灣有HARRY PORTER 睇幾開心呀!!

今次D戲得達文西我係識咖羅... 最緊要係無中文字幕羅...

達文西我都睇過LU...最後揀左一套笑既聽英文羅...

都好笑既~ 隔離太太打左成程PSP 羅... 其實我都有帶NDSL

但我怕打得多會眼訓~哈哈!

有野食啦~ 揀左牛肉飯~ D人講過JAL D野好食係無錯既~ 個牛肉飯真係好好食~

又係日本米~ 唔係食完咁飽我都想食多個~ 其他甜品唔駛講都好好食~  

食飽飽就影下D雲啦!!!

搭第五次飛機先影到羅! 好失敗!

見到D雲真係好靚咖~ 影完相睇完戲就訓左一粒鐘就到左日本啦!!

 十分之開心~ 終於到左日本~

聽人講過大樓二無咩人咖... 但一出到去條隊都真係幾長羅...

我無計到我排左幾左耐呀~ 終於羅行理出閘啦~

一出閘就見到MICHELLE 企向到等我啦~

第一次有人接機仲要向日本~ 幾威呀 ~ 哈哈!!

之後就去搭京成本線啦~

落到去就剛好有車啦~

今日真係VERY GOOD! 咩都係岩岩好! 上到車勁多人啦~

比MICHELLE 搵到兩個位~ 咩都唔好理拿拿聲坐啦~ 唔係企成粒鐘~

我唔得咖~ 架車入面個個都大大個行理O急~

D日本人開始"中"眼訓啦~坐左好耐到左日暮里啦~

要轉JR 去東京駅轉車~到左東京站勁多人~

搵到東海道線啦~ 仲有小小時間 MICHELLE 就去左買野食我就買左支紅茶~

一上車又要搵位坐啦!成個幾鐘呀!

今次架車就無人有O急啦~ 我諗都無咩人一落機就去浸溫泉咖啦~

我地既目的地係湯河原~ 坐左個幾鐘~ 終於到左啦~

出左JR 個天都黑晒~ 問左人個溫泉酒店行邊面~

好快就搵到啦! 去到CHECK IN 個哥哥英文唔算好叻!

我叫佢用日文啦~ 又英又日大家總算都明既! 貸切溫泉比人BOOK 晒羅!

無得浸露天溫泉! 簡直原原全全唔得呀!!

我搵都專登搵間有露天同我講多人SO FULL BOOKING!!!

上到房成7點半了~ 一入到去~ 日式房一間~

同睇日劇無咩分別~哈哈!!

佢叫我地8點食飯~ 8點都未夠就叫嬸嬸上菜比我地食啦~

嬸嬸係咁同我地講野~ 明都明D既~ 上菜時候係咁影相啦~

太多野食啦~ 擺晒成張台羅~ 基本上樣樣都好食咖~

呢三件野送飯一流呢~d天婦羅熱d就very good 啦!

我同michelle都唔係太好魚生!  盡量食到都食既! 甜蝦勁好食羅~ 勁甜!

呢個飯就無咩點食啦~ 因白飯好食過佢羅~

第一次食巨峰提子! 我唔好羅~ d皮好厚同"鞋"

D日本米好食到~ 係咁送飯羅~ 係個牛扒真係好"鞋" 我無咩食到羅~

食飽飽都成9點了~ 執下D野出來~ 同MICHELLE 去浴場視察下環境~

上返房~學人著下浴衣玩下~ 我就去浸溫泉啦~

浸個時都有D唔開心咖!

室內溫泉浸落同我向韓國浸個D三溫暖好似無咩分別羅!

人地就幾十蚊~ 仲要圑費包埋! 呢到就八百幾!

呢到仲無琉璜味~ 台灣幾十蚊都有琉璜味~

可能唔同既泉水啦~! 下次都係要上箱根浸! 浸左唔知幾耐啦~

好熱呀~ 個人變左粉紅色呀~ 哈哈!!

上去叫MICHELLE 落去浸啦~ 我就開始有D眼訓啦~

十點幾就訓左LU!!