第四日 06年9月13日 第一次東京8日7夜自由行

今日又係八點幾起左身啦! 又係落雨天! 10點2就搭 JR 去吉祥寺啦!

十一點到就到左 吉祥寺啦~ 我地就向JR 個 LON LON 百貨行左陣~ 我就買左包糖! 

之後就去搵牛肉球啦~

沿路睇下D藥房呀~ 小食舖~ 大家買下野~ 之後就搵到牛肉球啦~ 好近下WOR...

一早既關係都唔算好多人~排左10分鐘到就買到啦~ 5粒以上就120YEN 粒我地買左6粒呀~

比我地個姐姐叫我地10分鍾後先食...但由於太肚餓既關係 搵個角落5分鍾唔駛我就食啦~

咬落去真係好熱咖~ 不過我唔怕既~ 又真係好好食WOR! 怪唔之得食過既人都叫我一定要食...

好多年前已經有人講過了... 由於佢好大粒既關係食左兩粒我已經好飽啦...

最後一粒就留返遲D先食啦~

之後我地就去行下D民居個面D舖頭呀~ 大定都買左D野做手信啦! 行左兩個幾鐘我地就走啦~

之後行程我地就係去涉谷啦~ 我地會搭京王線~ 直接去到呀MA~ 又平!

1點9我地就去到涉谷啦! 一出到去就睇到3個大電視啦...落雨天無行到去正門影晒佢地全相...

之後就向各大百貨公司 進攻啦~ 我一心來呢到可以買到好多指甲貼紙!! 但一張都買唔到羅... 之後行0101 見到d手巾勁多款~又勁平... 1050yen 一條... 個個大牌子都係~ 我就揀左4條啦~退埋稅4000yen 四條~  又買左個vivienne westwood 既袋 23000yen!最後行埋praco 無野岩諗住走lu! 

 

 

見到有 disney store 入一入去就無左七千幾yen 啦...買完我地就去代官山啦~

六點到就去到代官山啦! 天都黑晒啦... 先頭買左個vivienne westwood 既袋micelle 都想買咁就搵代官山間舖啦 [涉谷無晒了]... 但搵來搵去都搵唔到... 搵左成半個鍾就放棄左啦... 之後就搵我個間 cou cou 雜貨店 又係搵來搵去都搵唔到... 後來我諗一諗 會唔會因為我地一出就唔係向地面就搵唔到呢... 是關地圖無講... 咁我就行落馬路到啦... 一落到去就搵到我去想去個間 coucou啦... 好多野都好靚呀~ 我好鐘意佢d玻璃杯咖... 但屋企真係太多杯啦... 買左10樣野~成為 3150yen 呀~ 有d係用來送比人既~ 之後就搵到beams boy 但好似唔同我平時向hk見到個d 咁平...最後都搵到vivienne westwood 啦! 但同係涉谷睇到d貨唔同...咁我地就走lu! 好早就返到池袋啦~ michelle 話好 支力 佢唔出去食飯 咁我就等佢買飯團返去食啦... 我返到酒店放底野~坐左陣就出去搵食啦~

本來想去食拉麵...但好似行好遠...企左向松屋門口睇下有咩食啦~ 

見到有日式漢堡扒即刻入去食啦!! 入到去買左ticket...等左一陣就有野食啦...490yen

個漢堡扒唔係咁硬同咁多油就very good 啦!

d飯又係勁好食! d汁用來送飯! very good啦!... 我好似食晒d飯...

食飽飽就去行下藥房啦~ 同人買加上自己買d就買左萬幾yen... 

但我竟然唔記得帶 point卡同人save point...!!!

行藥房都要體力咖!! 好 支力 lu!十點到就返左酒店啦~

影下d戰利品~ 洗完白白~睇下電視!就要訓啦~ 聽日要去game show 呀!!

第四日戰利品~ 唔少錢咖~ 出血lu!! 不過去旅行係咁先開心既! 哈哈!!