第五日 06年9月14日 第一次東京8日7夜自由行

今日唔知甦呀... 9點幾先起身... 我地要去 game show 呀!!

一早話好左10點鐘就要入到去夾公仔咖ma!!!

今日又係落雨天啦~ 不過唔緊要你落啦~ 我全日室內活動~

10點到出酒店搭 有樂町線去新木場啦~ 之後要轉 jr 去海濱幕張! 11:10am到左啦~

到左之後我地都好肚餓呀~ 見到便利店就入去買我地今日既早餐同午餐啦!!

我買左3個飯團~一大個melon包~ 一支野飲啦~ 用左602 yen 食兩餐飯~抵啦~

向日本食左兩次~ 兩次都咁好食!! 咁大個為起港紙 $6-7蚊抵啦!!
買完出到去~跟住d人跟住d指示行左成十至十五分鐘先行到去會場羅...!!!
[日本人去香港會展一定舒服好多!!] 我一路行一路食完個包lu!
今日14同15號只係招待業內人士! 人都唔算太多!

11點半到入到去啦~ 大部分人都係著好晒西裝咖!
一入去就緊係搵有咩公仔夾啦! 可以夾既機都係唔駛錢咖~

呢兩部個 "找"  勁鬆呀...!! 夾完佢幾驚其他機都係咁呀!!
玩完呢兩部我就同michelle 分頭行事啦!

 我行左一陣就搵到 disney公仔部啦! 基本上我全日既時間都係向到羅!

隻隻公仔都好大隻咖! 由於佢唔係次次都肯放好隻公仔比人夾~
5次都有3次空手以回咖! 佢間唔中就會有d新公仔... 有時又有d其他公仔~次次都唔同...

呢隻係細板...向部機入面...要靠自己夾...我太咋啦...夾左6次都夾唔到羅...!!! 後來都放棄左啦!

夾到點幾兩點收獲唔錯! 就行去第2面睇下啦~ 排隊既時候見到michelle 啦...
佢向第2到夾左成朝...呢到有d其他公仔羅... 仲見到有momo!! 但大隻到無可能夾到羅!!!
排左半個鐘夾得兩次都仲要夾唔到!! 好唔開心羅!! 勁想要momo!!
之後夾左少少其他公仔就同michelle 一齊去左disney 公仔counter 到啦! 

由於大家d公仔都好多下! 我地就一個人夾~一個人坐向到羅!食下野~
執下野咁啦!! 不知不覺四點啦~ 要最後努力啦!!

最後努力既成果啦~四點半disney 就收唔比人夾lu!!

我就拿拿聲跑去未收既機夾下糖呀~都夾左好多糖下... 5點鐘我地準時離場了!!
走既時候無落雨啦~ 本來plan 好去行 garden walk outlet咖ma!!
但d公仔真係好重好大袋... 我地就唯有唔行啦... 返池袋放低d野啦...

照返今朝路線啦~ 搭 jr 去新木場~ 轉有町樂線返池袋啦!

右邊是我的! 好重呀! 下次帶車仔去!!! 哈哈!!
六點幾我地就返到池袋啦~ 第一次咁早返到去羅!! 好多舖頭到仲開緊呀!!
我地放低晒野~ 就出返去啦~ 經過sanrio 買左d糖做手信~ 行左陣就去食拉麵啦!!

8.30pm 就去到門口排隊啦~ 小小人龍啦~ 唔算好多!

排隊時有個講普通話姐姐 落order啦~ 等左10分鐘唔駛就入得去啦!!

幾分鐘後我就食得我個拉麵啦!!

塊豬肉個口感同東坡肉一樣咖~ 味就唔係東坡肉咁! 拉麵都好好食咖!
勁大碗! 麵我食唔晒呀~ 送就梗係食晒啦~ 今餐食左 1280yen 好滿足啦!

食飽飽我地就行返酒店附近啦! 沿路有間賣衫舖頭未收就買左兩件外套啦~
都知made in china 咖啦~ 但兩件都係2100yen 就梗係買啦~ 

時間仲咁早就梗係要搵野玩下啦~ 呀michelle 好想玩柏青哥~ 咁我地就搵間多人d入去玩啦...

大家當然好快玩晒一千yen 啦! 先頭都唔知玩咩! 要d珠珠入去中間好難羅! 

 

入到仲要等佢中..3條... 基本上我都覺得幾呃錢咖~ 後來michelle 又玩多一千yen 
我就是但玩多次啦~ 一人玩左二千yen... 算吧啦...玩過就算啦!

咁就玩左百幾蚊啦!  玩完行左陣就十點幾啦~ 咁我地就返酒店lu!

第5日唔駛錢既戰利品!!  無心夾之下! 我數過有二百幾粒糖!

呢D係要錢既戰利品! 今日都好慳家下!

D糖係任裝入個盒到咖~ 裝得幾多得幾多!! 狂塞啦!! 315YEN 一盒! 手信來咖~

第六天預告 川越>原宿>表參道>裏原宿