Q! 小姐飲飲食食遊記+港女自駕遊~: 第七日 06年9月16日第一次東京8日7夜自由行

今日天晴呀~ 今日早過禁日起身~ 但都遲左因今日要去築地食壽司~

9點2就出酒店啦~今日全日都係我自己一個人~ MICHELLE 仲訓緊...

有陽光~ 有心機影下相啦~ 酒店前面d自動售賣機!

要搭到去銀座轉車~

9點11到左啦~ 一出去就要過天橋~ 可以順手影埋相唔錯~

落左橋就有呢楝野~我都唔記得係咩來LU!

一路直行過埋馬路就到左場外市場啦~

呢到都好多野食~ 好多人企向到食拉麵!
由於未來過~ 又加上唔識路搵左成半個鐘我先搵到壽司大同壽司大和!
嘩去到見到唔係真係要咁多人呀...我記得板友提過壽司大都好食~
佢條龍無壽司大和咁長~ 我都係排壽司大啦!

壽司大和條隊!!

先頭以為壽司大小D人!點之佢唔止門口條隊~ 仲有條隊向轉角位咖...我10.30開始!

有個姨姨問幾多人~同話會排成個幾兩個鐘問人等唔等! 一場來到梗係要等啦!
今日個天真係對我好啦~ 見我幾日無咩太陽今日一次過比我晒多D!! 熱死我啦!!
仲要見到前面D日本人穿長袖衫! 想死! 排到十一點先去到轉角位頭位!!

一陣仲要排!!

11.4我終於排到去門口條隊啦! 呢到都好D 無太陽晒! 咁大個都未試過為一餐排咁耐咖!!

到左12點10我終於入到啦!!! 我一共排左2個鐘又4個字!!

去叫左最貴個SET! 先來一個甜蛋先~ 跟住羅我本手指指書出來同佢講我唔食生魚~

其他生野都食! 我聽到呀大師傅同D日本人講咁可惜羅唔食魚生!

跟住仲有講我唔食WASABI 咁就等待我第一舊壽司啦~

招呼我個係最後生既師傅仔!成日都問OKOK 好驚我唔岩食!

好好食既鮑魚!! 食完後都好想食多一客~ 但太飽啦~

向HK 我係唔食海膽~ 來到日本梗係要食下啦~ 真係好鮮

有魚肉既麵"是"湯

差D無得食鰻魚!! 師傅以為我唔食魚! 勁好食~ 食完一個 ORDER 多一舊呀!!

呢到無大生蝦食!! 好唔開心羅!! 細生蝦都要食既!

我無睇錯佢仲係生咖! 勁甜勁好食!!!

一共食左一個SET[8件]加多兩件壽司! 師傅計平返個SET 因我唔食魚生! 一共食左 4350YEN! 食完只不過 1點4~ 食左都係半個鐘...真係呀...[返到來有人問排咁耐好食咩! 咁我都唔咁講極道好食! 但就十分鮮羅!! 食魚生一定超正~ D色靚到呀!! 食到個鰻魚/鮑魚/赤貝我都覺得值啦!!]

食飽飽就要去返場外市場買昆布比呀媽!! 好多舖都收左LU!! 首先我要去松露買甜蛋! 幾驚佢收左~ 好在去到都仲開緊~220YEN 咋~ 之後我行來行去睇昆布~ 太多種類同價錢啦~ 好不容易先買左兩包! 又睇下其他野~

睇完就決定返池袋酒店沖亮同放低個甜蛋!~ 排左成2個幾鐘!
好熱呀! 個人都痴痴立立咁! 沖完人都爽D啦~

3點4就又向池袋出發去橫濱啦~ 買左一日PASS!

4點半就到左橫濱啦~ 一出去就見到摩天輪啦!! 之後去左等巴士去紅磚倉庫!

巴士經過個摩天輪呀~~

4點10到左啦~ 去到影下相~ 入左去行左陣買左D野就出返來~

向公園到行下影下~ 咁就走得LU!!

跟住就係SHOPPING 時間啦~ 向 QUEEN SQUARE 行到7點半到就行完LU!

我就去搵我個摩天輪啦~ 出左商場向住個摩天輪就行到啦~

去到諗住玩咖... 但上到排隊個到!! 嘩! 條隊真係長得有少少過份...
今朝排左咁耐唔想排啦~ 就決定唔玩啦~ 影左咁多張相我都夠咖啦! 無得玩個肚就餓啦~

買左杯藍莓雪糕~ 300YEN

食完行多陣就搭車返櫻木町駅去咖哩博物館食DINNER 啦!!

8點半去到咖哩博物館~ 比我想像中細~ 但唔緊要啦~D野好食就得啦~

千揀萬揀~ 我得一個肚唔食得多... 叫左個細既咖哩烏冬! 800YEN!
嘩!呢個烏冬十個辣呀~ 先頭店員話比我聽辣我都唔信~ 日本咖哩辣得去邊呀...
一食落去...係好好食呀~ D烏冬好煙UN...個湯又唔稀! VERY GOOD! 但真係辣左D!
好在呢到有免費凍水! 我先食得晒呢碗! 食完都飽飽地啦...飲左咁多水!!