第一天07年1月24日 北海道落雪溫泉之旅 + 一日東京路過之旅

07年第一次旅行! 期待而久啦!!! 如果唔係買到平機票真係無諗過會去北海道咖~
9月買到張千幾蚊[人地抽獎中] 7日北海道機票已開始準備啦~ 一開始係得一個去咖咋!
十月好彩又買多張千幾蚊北海道機票[又係人地抽獎中] 咁就有人陪我去啦!!
今次同我一齊去既朋友因工作關係成日都去日本咖啦~ 不過佢都無去過北海道!
佢話10年前就好想座破冰船...不過無人同佢去WOR....今次機票平~ 但加加埋埋都買左好多野...
首先我要買羽絨 七百蚊...買左對雪鞋 七百五 手套~雪褲~冷帽~...22號就決定唔訓啦~
24號 4點就起身了~ 向MSN 知道朋友仔無訓羅~8點鬆D去到機場~ 

同朋友仔會合左啦~CHECK IN 時睇到行理 15KG 羅~ 哈!

仲有唔係好多時間~ 入左閘去左食大家樂!! 唔好食!! 羅!!!

今次搭 ANA 唔係大機~ 無咩好戲~ 睇左套HK未做既戲~ 朋友仔就合下眼訓~

一早ORDER 左要 WINDOW SEAT 啦!!

又到開餐時侯~ 朋友仔訓到唔食~ 我就同佢食埋啦~  個餐OK啦~ 不過不失...
JAL 好食D! 我食左好少飯~ 食左兩個餐D餸~ D冷麵我又唔食...

 

到啦~ 到啦~ 我去到日本啦~ 上次去日本訓左~ 無睇到D景~

由於我地有大把時間~慢慢~慢慢~咁行~ 但好快就過左關!

3點鐘就羅晒野出左閘~ 去埋內陸線寄好行理~想搵野行下~ 但好似唔多覺有野行...

 咁以為D野向入左閘到先有得行下啦~ 好快就入埋內陸机站...

3點半~入到來知死啦!! 加埋我地兩個都無10個人!! 完全無野行~
得一間手信舖買賣手信~野食~野飲羅~ 朋友仔買左串野食~買支野飲~食完就訓啦~
我又唔眼訓咪打下 NDSL...打左一陣無電...唯有聽歌啦~ 5點幾先夠鐘...有排聽啦~

到左手4點幾時我都仲好精神~ 後來都好似訓左一陣! 訓醒就變左勁多人啦!

終於可以上機啦~ 要轉巴士~

上到機架機好細羅~ 好快就起飛啦~ 朋友仔又訓...我又無電視睇... 睇下書~飲下茶~好快就到啦~

7點36分我地到左啦~ 等左兩,三個字先羅齊行理~ 

其間見到有個外國人叔叔好多人問佢羅簽名~
但我地研究左好耐都唔知佢係邊個~ 哈哈!!

羅完行理行去搵JR 搭~ 見到有個大魚缸羅... D魚魚大條到嚇死人!! 但條條都幾唔靚下...!!

我地好辛苦追到8.14分架車...其實我唔介意搭下班咖...呀朋友仔跑得咁快...
攪到我都要跑...由於開車啦~無時間搵自由席~ 我地是但上一卡啦...

唔知指定席坐唔坐得~就企下啦~ 半個鐘好快既~

架車一路行~我地就望住出面D雪~ 好多雪呀~ 周圍都係~ 好快就到左啦~

向車站研究左一陣終於搵到方向啦~ 一出車站都唔覺好凍...我仲未穿羽絨~
我覺得好似 HK10度咁~ 行到大路則邊有好多雪~ 呀朋友仔好想同佢地玩羅...
但放底野先玩都得咖!!我地好小心慢慢行~ D凍風吹到耳隻疼羅~
行左10分鐘到終於到啦~ 入到酒店係勁熱羅!!

 

CHECK IN 完入到房~ OK 啦~ 又唔算好細...又唔係好大~ 起碼開到個O急呀~

剛吹到耳隻疼~即刻羅頂冷帽出來~ 出去揾飯食啦~ 我地係諗住去食蟹宴咖~
8千YEN 一個...但去到唔比入啦...SHIT!!無得食... 我地就去左對面食燒燒燒啦~

  

 

呢餐都好滿意~ 第一餐就食到超大隻帆立貝~本來呢餐百幾蚊一個人咖咋!!
但佢碟前菜收左成七百幾YEN ...真係扣晒分啦~ 今餐一人3453 YEN!

 

食飽飽我地就去行下啦~ 先頭推住行理無影相呀~ 依家影返~

行下行下我地去左便利店啦~ 見到有熱包就食返個啦~ 上次向東京都無食到~ 105YEN! 好食咖~

買完野都成11點半~ 我地就行返酒店啦~ 我地會住兩晚京王~

本來諗住肚餓食~點知無食到~ 羅左返HK 啦~

12點半要訓啦~