第五天07年1月28日 北海道落雪溫泉之旅 + 一日東京路過之旅

今日6點鐘起身~ 個天都唔係好光咋! 執好野~ 我地又去浸溫泉啦!

好似係得呢間溫泉酒店見到流冰咖咋~  過多十幾日我諗會有好多流冰!

訓飽飽! 浸埋溫泉! 人都醒晒啦~ 我地浸暖個身就即刻上露天溫泉到啦~ 行出去真係幾凍咖~

但上身凍下身熱~我可以浸得耐D! 望住個天同海~都見到有D冰既!  咁早得我地兩個向露天溫泉到咋...
可能D日本人怕凍~ 哈哈! 我想影相咖...但行上行落...又怕整濕部機都係算啦...自己記住啦!

 沖完亮~整好晒~我地返房執好行裝~ 我就去CHECK OUT 比錢先~ 向餐廳等啦~

比埋錢我都快過朋友仔到羅...!! 入到去好多人向到食早餐啦~ 自助式~好多野食~
西,日都有~ 我地呢D崇日!當然食日式啦~ 揀晒D好岩送飯既餸~好多都係甜~咖!! 我就好岩食啦~

個天光晒~ 仲出陽光!!!

足湯唔晒錢咖~ 係人都浸得~不過我無浸到...

呢間酒店唔錯咖~ 又唔貴~

8.30夠鐘上車啦...我地要搭四個鐘巴士...去釧路...呢......!!!

10點到左第一站~大家可以去下 TOILET~

   呢架車我地係搭左一日咖~ 點解?睇落去就知啦~

第2個站 標茶

12點到我地就到左釧路啦!! 今次最可惜就係今日係星期日!!! 我地無得去好出名既和商市場食海鮮!!!

我點轉個行程都轉唔到... 唉!!!唯有唔去啦...!!! 我地一陣仲要返來搭車去第2間溫泉酒店! 

下一班車係 1點9~ 我地仲有個幾鐘~ 一落車就係 東急 INN HOTEL
我地入去用下人地個 TOILET~ 睇下書仔~ 就行去幣舞橋!

絕對唔難行...不過好遠下...一直向前行啦! 個日有太陽...一D都唔凍!!

以我既腳程行左15分鐘啦~ ...

釧路周圍都有呢D公仔...

士多啤梨奶~ 好飲~同韓國個D一樣味...但韓國平一倍~哈哈--137YEN~ 

仙台士多啤梨 550YEN

由於仲有時間我地就行左去MOO 商場到啦~ 時間關係只係行左地下野食個層~
買左少少野食啦...差不多時間我地就行返去啦~ 返到去等車啦~ 1點8就到左啦~
我地係坐返今朝架車~同一個司機...個司機都好奇怪又見到我地~ 佢問我點解唔同名...
[上車要點名]我話今朝係英文名...依家係日文名...一早知係同一架既話~ 唔知係唔係唔駛落車呢?
今朝架車好多人咖~ 今次得4個人咋~ 搭9就開車出發去十勝川啦~ 我地今晚既目的地! 車程兩個半鐘!

又坐兩個半鐘車...一上車我地就食士多啤梨啦~ 好甜! OISHI!!!

食完食埋剛向六花亭買既牛奶布丁! 勁平! 全程最好食同最抵!! 120YEN 咋!!!
同平時個D差不多大~ 不過佢唔係玻璃裝! 我好後悔無買多兩杯食羅...我之後就見唔到六花亭啦!!!

食飽飽...朋友仔又訓羅...我就訓唔到啦~ 今朝大家都有訓過既~
 
每一次搭車我地都會除晒 D鞋羅...真係好熱呀!!! 我好怕著密頭鞋...唔係北海道有雪我一定著拖鞋!!

全程車可以做既就係睇風景~ 影相羅!!

 中途停站去TOILET! 有位日本太太好好人請我地飲咖~ 不過我唔飲咖啡...羅左返香港!!

雪下面係田來咖!

房入面既野同昨天間差不多~ 但無咁靚羅~

4點1我地就到左酒店!!個天仲光!!我地就好快手放低野去睇天鵝啦~

行左10分鐘行到去啦~ 佢地都幾嘈~ 遠遠都聽到佢地把聲!

見到個條橋係白鳥大橋! D天鵝10月至2月中先向到...

睇完就行返去酒店啦~

我地5點半就去食飯啦~ 呢餐我唔算好滿意...佢D菜式都幾古怪咖...

 個海鮮窩份量真係好少下...好在D魚生可以比我滾熟佢! 個天婦羅簡直係嚇人...

一個係納豆...原全無諗過會係呢樣...一口食左落去...即吐...另一個好似係碎大葱...

好大陣味...完全唔會食... 10000YEN 一晚食D咁既野...少少失望啦...

好睇唔好食!!! 食飽飽上房坐下~ 等7.30我地搭巴士去十勝川彩凛詩!

架巴士FREE 咖! 勁多人!! 全車都係日本人...好多都係公公婆婆

去到會場啦!  呢個係望台!

向一大個雪地到唔同色既燈跟住音樂一陣閃~ 都幾靚~幾特別咖...

由於個到好黑...夜境好難影...我隻手已經係好定咖啦!!

 

可以自己整冰燈咖~我都整左個啦~

透明冰燈呢D係會場整好~ 好靚~

手湯比你暖下手啦~

呢到都有雪上車玩既...但前兩日經驗我地都唔會玩咖啦!!!

先頭我地都以為走左咖車咖啦...因唔見晒D公公婆婆...

 250YEN! 好甜! 好似食緊 地MOON 粟米咁!
我地買定粟米一點行返酒店一路食...準備行之際見到有架巴士係好似係我地先頭個架...
但唔同晒D人...佢又話可以車埋我地...太好啦!!

9點返到酒店啦~ 我地羅好晒野去浸溫泉啦~ 十勝川個溫泉好似好出名...北海道遺產...
我一路浸既時候係真係覺得滑D咖~ 唔同平時浸個D!

呢到個浴場有四,五個池~ 有D有按摩! OK GOOD! 呢到個露天溫泉多D人浸~ 
我地等到無咩人既時候出去~ D水好熱羅...浸一陣就入返去LU!

浸完溫泉真係好眼訓~十點幾我地又訓 LU!!!

有用資料!

十勝川觀光協會 http://www.tokachigawa.net/

観月苑 http://kangetsuen.sakura.ne.jp/index.html