第二天07年5月29日曼谷自由行之旅

今日8點幾就起身了~ 要去試下個自助早餐!!

佢唔係無野食既~ 不過最好食就係即炒既蛋...其他我都唔太好! 食一次就算LU!!

食完都係十點到~ 我地就去左泳池到~ 佢有個按摩池! 

D水乾淨好多! 向個按摩池浸下水~ 涼涼地~ 都OK既!

整好晒野~ 我地4點到出去SIAM啦~ 當然搭的士啦~ 都只不過 90BAHTS!!

行左陣買左少少野~ 就去搵野食啦~ 記得有網友介紹過 LEE CAFE!

向出面無睇MENU ~ 入到去發覺都唔太平~ 但都入左來~ 是但啦~ 叫少D啦~

佢個炒粉絲D粉絲真係少得可憐!! 一人一啖到咋...

個炸蝦餅都幾好食! 

個火鴨粉卷 OK啦~ 今餐一人175BAHTS

食完就行下 SIAM PARAGON 朋友仔有收獲啦~ 我就無啦~ 之後行下SUPER MARKET 啦~ 

買左D生果同芒果糯米飯做今晚甜品~ 我就買左罐燕窩飲下~ 60BAHTS!

向商場行多陣9點幾我地就搭的士去左唐人街食魚翅啦~

落左車是但入間啦~ 向香港成日都食南星無理由去到泰國都係食佢咖!~ 我地就去左海外天~

食左個 中SIZE 紅燒魚翅. 炒通菜, 炒魚鰾, 食埋個白果燕窩~~ GOOD 呀~

味道其實間間都差不多! 今餐一人食左 590BAHTS!

食完朋友仔去林真香買手信~ 我就唔駛啦~ 買比自己食得啦~ 買完搭的士返酒店LU!!

返酒店雪住D芒果糯米飯同紅毛丹~沖完涼睇陣電視先食啦~

芒果糯米飯 80BAHT~

紅毛丹咁大包先 50BAHTS!! 咋!! 勁平~ 又甜!! 又大粒~ 好食!!

今日D戰利品~ 少少地~~