DAY 4-英法單人之旅 07年6月14-PARIS

今日10.40AM EUROSTAR 去PARIS~ 時間比較鬆可以食埋早餐!

由於驚過關多人! 9點半就去到WATERLOO 啦! 真係幾多人咖! 仲有好多係學校去旅行!

開車前20分鐘先比入去~

搵到14 COACH啦~

同左個法國伯伯坐啦!

兩個幾鐘車程就打下NDSL啦~ 見到個天陰陰咁!

話咁快到左啦~ 去到先知! 巴黎同英國差一小時! 好似唔係好遠咁都有時差!

首先我要去買10張BILLET 搭巴士先~ 我間民宿離北站8分鐘巴士到! 搭地鐵就煩D要轉車! 

所以都係搭巴士! 我當然未搭過巴黎既巴士啦...向站外都搵左成10分鐘先搵到個站! 

上網PRINT 好晒BUS 路線圖! 好彩佢地每個巴士站都會有好大個名! 

你對返個名就一定識落車啦! 

  推住行理無好好影下北站...諗住走個日先影返!

巴士果然好快就到呀~ 落車就立刻打比民宿太太啦~ 佢話佢會來接我~ 等左幾分鐘見到位女士就係民宿主人啦~ 行一陣就去到大廈到啦~ 要禁兩次密碼先入到去咖! 入到去有幾楝樓~ 

我地係F楝! 法國D樓應該好多都無電梯! 係要行樓梯咖...好彩係2樓!

入到房都好滿意啦~ 床好大啦~ 有好多旅遊書睇! 打開房個大窗, 坐向床邊!  

真係體驗左少許巴黎生活FEEL呀~ 哈哈!

女主人交帶好比埋鎖匙~ 我就出發向巴黎逛逛啦~

第一個去既地方就係協和廣場啦~ 我住既地方係MAX DORMOY METRO 12號線! 可直達 CONCORDE 唔駛轉線! 第一個地方就揀佢啦!

4點半去到協和廣場啦! 一出站就見到金光閃閃門口啦~ 周圍都好多遊客~ 

向附近影影相行一會就走了!

個噴水池好靚啦~ 仲有人向到影婚紗相!

今日係星期四! 春天百貨同拉法葉百貨都會開到好夜~ 所以搭METRO 去到OPERA啦!

一出就見到歌劇院啦~ 不過過左參觀時間~唯有向出面影下相啦!

行左十幾分鐘終於搵到春天百貨啦! 我行左反方向呀~ 哈哈! 

即刻去左SUPER MARKET 個層! 佢好多生果呀~ 但影左兩張個人話唔比影相! 

D生果都好貴下羅... 但樣樣都好靚咁~

 
 
 
 
 

之後上左9樓露天觀景台啦~  巴黎D屋太矮啦~ 9樓就可以有咁靚既景! 本來想向上面食野咖...但佢只係得法文都唔知食咩... 有圖都好D呀~ 同埋當然唔平啦~ 所以向上面座下就算LU!

睇完風景就行下街啦~ 無野睇岩! D價錢真係唔係好岩!

見到LADUREE 就入左去買啦! 基本上我係唔知佢幾錢咖... 見人揀盒我又揀盒買羅~ 哈哈 

揀左8個味~ $9.1 EURO OK啦~ 比我想像中平了!!

行到7點幾無咩好行就返SUPER MARKET 買左D野就走啦! 

落到樓下坐低食左4個 MARCON啦

飲左個士多啤梨乳酪! 超好飲! $1.2 EURO 兩杯!

最後都係覺得無野行就去食晚餐啦~ 

搭METRO 去到MABILLON

 一出就見到我想食間 LEON 啦!

入到去已經有好多人啦~ 問佢羅左個英文MENU... 如果食餐基本上唔駛揀! 

佢SET 好左啦~ 一個青口 加甜品! $15.9EURO

坐低就來左脆圈同麵包先啦! 個脆圈好咸! 餸酒就岩啦!

 主菜連薯條一齊上啦~

超多青口! 勁熱! 大家食時小心D呀! D青口好鮮甜啦! 係個汁真係好咸啦! 

我自己就好唔LIKE 個汁了! [蒜同鹽] 我見隔離台個伯伯係蕃茄汁底好想食羅! 

佢係會飲D汁! 我自己個就真係唔飲得啦!! 咸死人都似! 

最後我用我超簡易法文問個伯伯佢個隻係邊隻味! [食掛?] 

佢好熱心向MENU指比我睇! 咁我下次可以食呀MA!

食完就揀左3個雪芭做甜品啦! 無可能食得晒啦!

10點咖啦~ 仲未黑咖個天!

食完10點返到民宿啦! 因聽日要遠行! 天未光要起身呢!

返到民宿見埋男主人~道道地地法國人! 打過招呼我就去沖亮,訓覺LU!!