DAY 5B-英法單人之旅 07年6月15-Strasbourg

兩點幾就到左STRASBOURG 啦~ 出站左手面有櫃台可羅地圖! 準備行出站時發現好大雨啦~

 
我無帶傘...唯有等佢細雨D啦! 好在件外套有帽!

行左十分鐘見到有輕鐵啦~ 買張飛搭車先! $1.3EURO!

搭左兩個站~又行左幾分鐘~見到STRABOURG 最出名既名物啦~

The Cathedral of Strasbourg

佢門口或成揀都好花巧下啦~ 見到第一個感覺真係真係好高咖...小小地紅銅色好特別! 

 佢尖尖既塔真係高得有少少過份!

門口好多人排隊入去啦~ 入到去同英國教堂相比...佢真係好大~ 好宏偉啦!

彩色玻璃都鮮豔過英國!

教堂入面好多野都好宏偉! 好高! 好仔細!

Horloge Astronomique 天文鐘

另一名物~ 四百幾年既天文鐘! 周圍真係有超多人影相!

比起英國呢D咁靚既教堂都係免費參觀咖!

行完教堂都成4點鐘啦~ 趕住去LV 同朋友買LV啦! 先頭搭輕鐵見到間LV! 
諗住行返原路搭一個站啦...點知又唔知行左去邊...去左一個未去過既站! 
最後我要轉左幾次車先去到LV店!! 哈哈!! 好彩仲未收...呢到間LV 唔會多人啦~ 
無限你買幾多個...不過我自己就唔會買LV啦...一個袋可以去多次旅行了! 
買完向附近商店行下啦~ 無收穫~ 無野岩~ 
5點幾D舖收啦...無野行就去搵野食啦~

法國好多地方都有迴旋木馬~

5點幾咁早就未有晚飯食啦~ 附近又唔覺有咩好食...無理由山長水遠來到食麥當奴咖! 

最後買左個卡巴食! 法國好多地方都有得買~ 向HK 我都未食過~ 

個卡包真係好大個咖! $3.7 EURO!

雨停左! 我就坐左向車站附近食啦!  第一口食落去既時候...佢太多肉啦~ 未食就趺左D落地下... 隔離有對法國父子笑緊我...個老豆應該叫我大啖D食啦! 哈哈

食到中途佢地走啦~ 對住我一路笑~一路係咁講法文... 應該都係叫我小心D食啦!

呢條街我來回都唔知行左幾多次羅~!

食飽飽又未夠鐘上車就搵左間CAFE坐下啦~ 唔好彩呢間無英文MENU... 

向估估下之際見到檸檬個法文字...我估係檸檬梳打個D啦...無諗過佢會係鮮搾檸檬汁羅!! 

真係#&#*($))@!!! 落左3包糖都唔會係甜啦! 仲要係超酸...杯野都$3 EURO咖... 

向間CAFE 坐左好耐~打下機~寫下野等到夠鐘上車啦!!

終於等到7點幾8點可以去月台啦~ 等車期間有架全速TGV 經過!! 我完完全全感受到佢既速道係幾咁快! 同震撼啦! 真係快到嚇死人! D風大到呢... 仲有我走既時候佢出太陽啦!! 激死我啦!

10點幾返到巴黎天都黑晒啦~ 個天又落雨啦~ 所以都係搭METRO返民宿了!