今日唔駛早起啦~ 9點幾起身~ 11點出門口啦~
今日會周圍去~ 買左張MOBILIS 可任搭METRO 同 BUS! $5.5 EURO
第一站去到羅浮宮啦~ 大大個玻璃金字塔! 四周都係遊客啦~
門口都幾多人排隊! 要檢查每個人既袋!
排左10分鐘買飛啦~ $8.5 EURO~ 入面可免費 KEEP 住個袋~ 可以輕輕鬆鬆慢慢行啦~
羅浮宮咁大無可能行晒啦~ 睇住指南~行D重點啦~
首先當然去搵蒙羅麗沙先啦!
沿住指示去搵蒙羅麗沙~ 就會見到~ 勝利女神像! 好多人影相啦!
蒙羅麗沙的微笑果然吸引呀!
普西莎及愛神 呢個我都幾鐘意... 我仲專登睇下佢地係唔係一男一女~ 哈哈
第一次見木乃伊~ 應該係真咖?
羅浮宮入面天花都好靚! 金碧輝煌啦! 到底D畫D人係點畫咖呢??
呢個皇冠D石都唔知係唔係真係真咖...! 粒粒都咁大粒!! D藍寶石~ 紅寶石粒粒都係全美...!!
我有一粒就好羅!
周圍都金光閃閃~
維納斯女神 名物之一啦! 周圍又係好多人!
行左兩個小時我就唔行啦! 一來好累啦!! 入面咁大! 有D想睇既地方真係要行好遠!
係時候開餐啦!! 個餐廳係自助形式~ 揀好野去比錢啦~ 我向個沙律吧砌左好耐啦!
TOTAL $11.9 EURO~ 仲有罐汽水唔記得影! 野食水準...個 PIZZA 無 PAUL 個咁好食!
但都好OKAY! 好多蕃茄醬~ 沙律唔會難食啦~
無必要我都唔想搭地鐵...因其實向地鐵入面都要行好多路! 搭巴士睇岩就上! 幾好~
好佩服你呀,一個女仔有勇氣自己去旅行<你係睇d咩書之後去玩ga?同埋你可以搵人幫妳影相ma,甘咪唔使成日自拍^^
回覆刪除如果我有錢我唔怕一個人去晒全世界咖~ 哈哈! 我通常揾到平機票先會去睇書! 咩地方都無所謂! 計過有錢就去啦! 書都係睇旅遊書咋! 未揀好就上網睇人地BLOG D遊記~ 所以我先寫下遊記睇下人地有無用啦~ 其實去到外國有人同我影相...不過...唔知係唔係我部相機難影...D人成日對唔同焦...好蒙啦~ 影左幾次都唔靚...所以就算啦..自己影啦~ 都係一個樂趣來既~~ 哈哈!
回覆刪除妳係邊買到平機票,好謝謝你呢,真係好有心機打左甘長回應比我^^
回覆刪除這些地方很正~~~!! 可惜我當年只帶了 100 感光度的菲林........, 全部室內的相, 都黑漆漆.... 看不出原貌啊..........。
回覆刪除不怕! 下年去影過晒D相!! 仲有機會! 我都好希望下年可以去多一次歐洲!
回覆刪除last time I spent 5 hours walking thru the Louve.....only took 1 break for 20 mins...
回覆刪除[版主回覆10/08/2008 00:52:00]我無咩藝術氣質...主要入去影下相...比我預期行耐左咖啦...不過下次再去巴黎我都會再去既~好多野都未睇!