DAY 6B-英法單人之旅 07年6月16-巴黎

第二個目的地就係巴黎歌劇院啦~上次來收左~今日入去參觀啦~ 

首先要買飛啦! 26歲以下有優惠~ $4EURO!

入面當然又係好華麗啦~! 我既自拍技術又叻左啦!

個天花駛唔駛咁靚!

真係好金碧輝煌咖!

D燈超華麗!

旅行團可以向樓下座向到參觀! 其他人都向包箱參觀~

5點幾出返來啦~ 向聖路易島出發啦~ 過條橋就係啦~

 好多人排隊參觀司法大廈同巴黎古監獄!  由於興趣不大...我就無入去啦!

經過司法大廈同巴黎古監獄後~行多陣就去到巴黎聖母院啦~ 聖母院前廣場多人到不得了! 入去是都排晒長龍啦~

好仔細雕刻啦~ 下面右手係門來咖! 幾靚!

入到去都好多野睇~ 地方好大呀~ D彩色玻璃都好大幅!

模型都好仔細! 仲有建造時既模型!

 

過左橋有條街特別多人~ 各式商舖都有! 來呢到目的係要搵好出名既兩間雪糕店!

首先搵到既係 AMORINO 意大利雪糕~ 佢就唔係有好多隻味揀! 大概10-12種到啦! 

我揀左牛奶同芒果~ $5 EURO 都好大杯下~ 佢塞到好實咖~ 好多! 不過成間舖得兩個位! 

等左5分鐘先有人走! 我就坐底食晒佢地先啦!! D雪糕好滑啦~ 

個芒果真係好似真芒果味但食得多有D甜~ 溝埋牛奶一齊食就好D!

食完無幾耐就去埋另一間雪糕店啦~ BERTHILLON $4 EURO有3球呀! 呢間就有好多隻味揀!! 佢有堂食咖! 不過貴好多呢! 所以我都係羅走吧!

我揀左 桃 [粉紅] 蜜瓜 [橙色] 啤梨 [白色] 佢地味道像真道又係好高! 真係好似隻生果味! 

但就唔夠 AMORINO 咁滑! 佢有D似雪芭! 向街食食下落超大雨!! 真係勁大雨! 

我今日有帶傘啦! 但個天無啦啦又大風又大雨...我仲要食住雪糕...好凍呀!!

見佢無咁快停...食完個雪糕入左間CAFE 坐下等佢停雨啦~

 叫左杯雜飲...樣樣有D! 個價錢都樣樣貴D! $6EURO!! 仲貴過雪糕......好在都好飲!

飲完去埋洗手間先! 法國Ｄ洗手間少得可憐! 出返去時雨都停左啦~繼續行啦~ 

聖母院後面!

跟住去左聖米歇爾廣場! 去到左岸一路行落去啦!

行到去新橋啦~ 佢都有成四百年了!

呢到係藝術橋! 啦~ 望出去風景都不錯啦~

  行到好遠啦~ METRO 要好遠先有! 又唔想行返轉頭~ 所以搭左巴士去協和廣場搭METRO啦~

今日都去左好多地方啦~ 唔好見個天咁光! 依家都晚上8點羅~ 無咩好做去食晚餐啦~ 

向HK我就睇好去巴黎要食邊幾間食店...因怕唔識叫菜MA! 上網見到有人推介呢間 THOURNIEUX! 我忘記SAVE 佢地圖向電話到...

 去到 LA TOUR MAUBOURG 站問左3個人行左10分鐘終於搵到啦!

入到去都好多人食緊飯LU! 一大班人~二人世界~三五知己! 我就一個人啦~ 哈哈

餐廳仕應好多都上年紀啦~ 有個女仕應問我識唔識法文...當然唔識啦~ 佢比左個英文MENU我! 我上網都PRINT左佢個MENU咖...不過轉晒LU!! 揀好左無得食!

叫好晒野既時候...佢係都唔收個酒MENU...我都唔知係唔係一定要叫酒呢...但又個個都飲...睇佢MENU又好似無啤酒...最後都係叫左個ROSE 唔知咩酒LU!!

個酒未來都知一定好大陣酒味...我唔係唔飲得酒...不過我要飲D無咩酒味既酒...
算啦...擺向到睇啦...$6 EURO....我飲水得啦~

每一餐都唔會少既麵包! 頭盤來左啦~ 我就係見人地話呢間D田螺係巴黎最好食就來左啦! 

向巴黎我未食過其他田螺...但比起以前呢間一定最好食!! 好入味!  好淋身! 

殼入面D牛油汁簡直好味到不得了...每食一隻D汁都羅來點麵包食! 諗起都好想食! 

唔好睇少呢幾隻野...佢地要 $13.5 EURO...我都好想叫多碟...但真係...

萬惡之源! 不可想像佢既卡路里~~ 哈哈!!

主菜來啦~ 向無字典之下~ 叫D自己識既野係最安全!! 呢三舊羊架又真係煎得好好食羅~ 雖然佢無汁~ 但個羊面有鹽~ 佢煎完出來~ 食落口係可以係脆咖~ 我真係未食過~ 

D肉好淋好似食緊牛柳咁! 正! 呢個 $22 OR 23 EURO啦~ 忘記了!

食完主菜其實都飽啦...今日食左咁多雪糕~ 但點都想食埋甜品! 本來想平平地食個西米布丁...$4.5EURO...佢話今日無......跟住叫左個我都唔知咩來...蛋白得來又好似有芝士~ 

入面有新鮮藍莓~ 側邊係紅莓醬! 總括來講係好食啦~$9 EURO

今餐連TIPS~ 食左 TOTAL 食左我$55 EURO 啦! 咁大個人最豪都係呢餐羅!

食完行返出大街搵METRO OR 巴士啦!! 轉個頭見到好多大個巴黎鐵塔向到閃緊呀!! 我都唔知呢到咁近巴黎鐵塔! 見到10點2都唔係好夜就去埋睇巴黎鐵塔啦!

張相影時我較暗左相機! 個天都仲好光下!

食飽散下步! 呢個步都唔錯! 去找尋艾菲爾鐵塔啦!! 行左成3個字我終於去到佢下面啦!! 

去到鐵塔下面D人多到不得了...本來係打算上去咖...但見到條隊...

我都係唔排啦...都唔知要排幾耐... 影下相等佢再閃好過啦!! 

 

向塔底影左好耐...又要自己同自己拍~ 又要對位~ 影左好耐啦~ 哈哈!! 不知不該十一點啦!! 

鐵塔又閃啦!! 真係好靚!! 你睇住楝咁多既建築物不停不停閃~ 真係 BEAUTIFUL 咖! 我

影左MOVIE 咖...不過打直左個相機影我唔識打直轉返個MOVIE ...睇相都見閃閃地~ 

不過一定實物靚啦!

影到十一點幾! 拿拿聲行去夏佑宮搭  METRO啦!

巴黎鐵塔我會再來探你咖!

白拍呢張算好啦~ 有塔!有河!有橋! 最緊要仲有我啦~ 哈哈